Қазақстан Тәуелсіздігіне 25 жыл

"Enem meni atymmen atamaidy": Diana Skatova otbasylyq ómiri týraly aitty

"Enem meni atymmen atamaidy": Diana Skatova otbasylyq ómiri týraly aitty
Foto-kollaj: videodan skrinshot/ JI arqyly óńdelgen

Kópshilikke "Qalaýlym" jobasymen tanylǵan telejúrgizýshi Diana Skatova ata-enesimen bir shańyraq astynda turatynyn aityp, enesimen qarym-qatynasy týraly syr shertti. Ol kelin bolyp túsken kúnnen bastap ózin bóten sezinbegenin, al enesi áli kúnge deiin esimin atamai, erkeletip shaqyratynyn jetkizdi, dep habarlaidy ult.kz.

Telejúrgizýshi bul týraly "Aitarym bar" podkastyna bergen suhbatynda áńgimeledi. Júrgizýshiniń kelin men ene arasyndaǵy qarym-qatynas, úlkenderdiń jas otbasyǵa qoiatyn talaptary týraly suraǵyna jaýap bergen Diana óz shańyraǵynda mundai másele týyndamaǵanyn aitty.

"Bizde, shynymdy aitsam, ondai dúnie joq. "Men enemin, sen kelinsiń" degen nárse joq. Osy kúnge deiin enem tipti "Diana" dep aityp kórmegen. "Dákónai, Dikónai" dep erkeletedi. Enem óte jumsaq kisi. Ol kisi de ana. Jalǵyz uly kelin alyp keldi, araǵa túsip, aralaspaý kerektigin jaqsy túsinetin siiaqty. Áli kúnge deiin ózimdi jaman sezinip kórgen joqpyn. Basqa jerge baryp, ózińdi jat seziný degen mende bolmady", – dedi telejúrgizýshi.

Diana óz otbasynda da ene men kelinniń syilastyǵyn kórip óskenin jasyrmady. Onyń aitýynsha, anasy men jalǵyz jeńgesi bir-birine jaqyn bolyp, anasy men qyzyndai aralasady. Sondyqtan ózi de kelin bolyp túsken shańyraǵynda dál sondai qarym-qatynas ornatýdy armandaǵan.

"Óz otbasymda da jalǵyz jeńgem bar. Anam ekeýi jaqsy syrlas, anasy men qyzyndai bolyp ketken. Meniń de armanym – solai bir-birimizge janashyr bolý", – dedi ol.

"Ata-enemen turýdyń minýs jaǵyn áli kórmedim"

Telejúrgizýshi búginde joldasynyń ata-anasymen birge turatynyn aitty. Otbasynda úsh qaiyn sińlisi de bar. Degenmen úlken áýlette ómir súrý onyń jeke keńistigine nemese kúndelikti tirshiligine kedergi keltirmeitin kórinedi.

"Ata-enemmen birge turamyz. Árkim óz jumysymen. Eshkim shekaradan aspaidy. Úsh qaiyn sińlim bar. Úlken áýlette ómir súrip jatyrmyz", – dedi Diana.

Onyń sózinshe, turmysqa shyqpai turyp-aq bolashaq jarynyń ata-anasymen birge turatynyn bilgen. Sondyqtan mundai ómirge aldyn ala daiyn bolyp, ony esh qiyndyqsyz qabyldaǵan.

"Basynan ata-enemen birge turatynymdy bilip bardym. Qaida bara jatqanymdy túsindim. Ony bastapqydan qabyldadym. Men úshin ol qiyn emes. Qalai bar, solai qabyldadym", – dedi telejúrgizýshi.

Diana úi sharýasynda da enesiniń qoldaýyn sezinetinin aitty. Jumysy kóbeiip, asúidegi tirlikke úlgermei qalǵan kezde enesi qolǵabys etedi eken.

"Asúide úlgermei, jumystarmen júrip qalsam, enem kómekke keledi. Sol jaǵynan bir-birimizge serik bolyp, qorǵan bolyp júrgen jaiymyz bar. Ata-enemen birge turýdyń minýs jaǵyn áli kórmedim, kórmei-aq ta qoiaiyn", – dedi ol.

Telejúrgizýshiniń áńgimesinen otbasynda ár adamnyń jeke shekarasyn saqtaý men bir-birine túsinistik tanytýdyń mańyzdy oryn alatynyn ańǵarýǵa bolady. Diana úshin kelin men eneniń qarym-qatynasy mindet pen talapqa emes, ózara syilastyq pen qoldaýǵa negizdelgen.

Aita keteiik, suhbat barysynda Diana Skatova otbasylyq ómirimen qatar, kópshilikke tanys "Qalaýlym" jobasy, til máselesi jáne óziniń ómirlik ustanymdary týraly da áńgimeledi.