Қазақстан Тәуелсіздігіне 25 жыл

Áleýmettik jeli arqyly zańsyz saýda: Ekibastuzda litsenziiasyz pirotehnika satqandar anyqtaldy

Áleýmettik jeli arqyly zańsyz saýda: Ekibastuzda litsenziiasyz pirotehnika satqandar anyqtaldy
Polisia.kz

Ekibastuzda tiisti litsenziiasyz pirotehnikalyq buiymdar satqan azamattyń áreketi áshkerelendi. Zańsyz saýda deregi politsiianyń áleýmettik jelilerge júrgizgen monitoringi kezinde anyqtalǵan, dep habarlaidy ult.kz.

Polisia.kz málimetinshe, quqyq buzýshylyq «Pirotehnika» jedel-profilaktikalyq is-sharasy aiasynda belgili boldy. Tekserý barysynda azamattyq pirotehnikalyq ónimderdiń qajetti ruqsat qujattarynsyz satylǵany anyqtaldy.

Ekibastuz qalasy politsiia basqarmasy qoǵamdyq qaýipsizdik bóliminiń bastyǵy Medet Beisenovtiń aitýynsha, atalǵan derek boiynsha zańnamaǵa sáikes sharalar qabyldanyp, materialdar tiisti protsessýaldyq sheshim shyǵarý úshin joldanǵan.

Politsiia ókilderi turǵyndardy pirotehnikalyq buiymdardy satyp alý kezinde saq bolýǵa shaqyrady. Ónimdi tek qajetti ruqsat qujattary bar saýda oryndarynan alý qajet. Sondai-aq taýardyń sáikestik sertifikaty men memlekettik jáne orys tilderindegi qoldaný nusqaýlyǵy bolýyna nazar aýdarý kerek.

Quqyq qorǵaý organdary sapasyz nemese zańsyz satylǵan pirotehnikany paidalaný jaraqat alýǵa, órtke jáne basqa da tótenshe jaǵdailarǵa sebep bolýy múmkin ekenin eskertedi.