Astanada jol jiegin tazalap júrgen jumysshylarǵa kólikpen sý shashyp ketken Lexus júrgizýshisi ákimshilik jaýapkershilikke tartyldy. Sot 32 jastaǵy Nurjan Tohmýrzaevty usaq buzaqylyq jasaǵany úshin kináli dep tanyp, 10 táýlikke ákimshilik qamaqqa alý jazasyn taǵaiyndady, dep habarlaidy ult.kz.
Buǵan deiin áleýmettik jelilerde Lexus kóliginiń úlken shalshyqtan ótip, jol jiegin tazalap júrgen jumysshylarǵa sý shashyp ketken sáti túsirilgen video taraǵan bolatyn.
Astana qalalyq Politsiia departamentiniń málimetinshe, júrgizýshi baǵdarshamnyń jypylyqtaǵan belgisine jáne mańaida adamdardyń júrgenine qaramastan, jyldamdyǵyn tómendetpegen.
Politsiia qyzmetkerleri kólik júrgizýshisiniń jeke basyn anyqtady. Rólde 32 jastaǵy Nurjan Tohmýrzaev bolǵan.
Sot ony usaq buzaqylyq jasaǵany úshin kináli dep tanyp, 10 táýlikke ákimshilik qamaqqa alý týraly sheshim shyǵardy.