Қазақстан Тәуелсіздігіне 25 жыл

QazUÝ jataqhanasynda stýdenttiń ólimi: qaiǵyly oqiǵanyń mán-jaiy belgili boldy

QazUÝ jataqhanasynda stýdenttiń ólimi: qaiǵyly oqiǵanyń mán-jaiy belgili boldy
ashyq derekkóz

Ál-Farabi atyndaǵy Qazaq ulttyq ýniversitetiniń jataqhanasynda birinshi kýrs stýdenti qaitys boldy. Oqiǵaǵa qatysy bar degen kúdikpen ekinshi kýrs stýdenti ustaldy. Aldyn ala málimet boiynsha, stýdentter arasyndaǵy janjal sońy qaiǵyly jaǵdaiǵa ulasqan, dep habarlaidy ult.kz Kozachkov offside telegram arnasyna silteme jasap.

Oqiǵa 15 qarashadan 16 qarashaǵa qaraǵan túni ýniversitet qalashyǵyndaǵy jataqhanalardyń birinde bolǵan. Oqiǵa ornyna jedel járdem men politsiia qyzmetkerleri barǵan.

Aldyn ala taraǵan aqparatqa sáikes, sol kúni keshke ekinshi kýrs stýdentteri birinshi kýrsqa jańadan túsken stýdentterdi áńgimege shaqyrǵan. Ýniversitet ishinde taraǵan boljamdardyń birine qaraǵanda, joǵary kýrs stýdentteri kishi kýrstaǵylardan aqsha talap etken. Osydan keiin olardyń arasynda janjal týyndaǵan.

Janjal kezinde ekinshi kýrs stýdenti birinshi kýrs stýdentiniń ish tusyna úsh ret judyryqpen soqqy jasaǵan. Saldarynan jigit qulap, esin jimaǵan. Shaqyrylǵan dárigerler onyń qaitys bolǵanyn anyqtaǵan.

Aldyn ala meditsinalyq málimet boiynsha, ólimge ishtiń joǵarǵy bóligine tigen jabyq jaraqat saldarynan júrektiń reflektorly toqtaýy sebep bolýy múmkin.

Oqiǵaǵa qatysy bar degen kúdikpen Ersaiyn Aitqali ustalyp, ýaqytsha ustaý izoliatoryna qamalǵan. Ol dene jaraqatyn salǵanyn moiyndaǵany habarlandy.

Atalǵan derek boiynsha Qylmystyq kodekstiń 106-baby 3-bóligimen sotqa deiingi tergeý bastalǵan. Bul bap abaisyzda adam ólimine ákep soqqan densaýlyqqa qasaqana aýyr ziian keltirýdi kózdeidi.

Aita keteiik, bul – qarasha aiynda QazUÝ stýdentiniń qaza tabýyna qatysty ekinshi jaǵdai. Buǵan deiin ýniversitettiń jýrnalistika fakýltetinde bilim alǵan birinshi kýrs stýdentiniń qaitys bolǵany týraly aqparat taraǵan.