Belgili ánshi, aktrisa ári telejúrgizýshi Qaragóz Súleimenova jýrnalist Janar Baisemizdiń «Baisemiz LIVE» baǵdarlamasyna suhbat berdi. Jýrnalist óner iesiniń bul jolǵy áńgimesi burynǵy suhbattarynan erekshe ekenin aityp, kórermendi oilandyratyn dúnieler qozǵalǵanyn jetkizdi, dep habarlaidy ult.kz.
Janar Baisemiz áleýmettik jelidegi paraqshasynda Qaragóz Súleimenovamen bolǵan suhbat týraly jazba jariialady. Ol óner iesiniń áńgime barysynda eshkimdi asyra dáriptemei, ómirdegi jaǵdailardy barynsha shynaiy jetkizgenin atap ótti.
Jýrnalist suhbatty «Uly adamdardan ideal jasamańyzdar» degen sózben tanystyrǵan. Onyń aitýynsha, bul jolǵy áńgime Qaragóz Súleimenovanyń buǵan deiingi suhbattaryna uqsamaidy.
«Bul suhbat Qaragóz apaidyń burynǵy suhbattarynan ózgerek. Qaragóz apaidyń ashyq suhbaty», – dep jazdy Janar Baisemiz.
Sondai-aq jýrnalist Qaragóz Súleimenovaǵa ashyq áńgimesi úshin alǵys bildirgen.
«Qaragóz apaiǵa shynaiylyǵy úshin, eshkimdi jáne eshnárseni áspettemei, qalai bar, solai aitqany úshin, júreginiń qulpyn ashýǵa ruqsat bergeni úshin alǵysymdy bildiremin», – dedi ol.
Janar Baisemizdiń sózinshe, suhbatta adam ómiri men ishki jan dúniesine qatysty oilandyratyn máseleler qozǵalǵan.
Aita keteiik, Jeli qoldanýshysy Dimash Qudaibergenge shúilikti.
Qaragóz Súleimenova kim?
Qaragóz Súleimenova – Qazaqstannyń eńbek sińirgen qairatkeri, «Qurmet» ordeniniń iegeri, ánshi, aktrisa jáne telejúrgizýshi.

Ol belgili jazýshy, dramatýrg Asqar Súleimenov pen memleket jáne qoǵam qairatkeri, qalamger Altynshash Jaǵanovanyń qyzy. Jubaiy – Qazaqstannyń halyq ártisi, akter Doshan Joljaqsynov.

Óner iesi qazaqtyń dástúrli án ónerin nasihattap, sahnada ózindik qoltańbasyn qalyptastyrǵan. 2026 jylǵy 24 qazanda Almatydaǵy Respýblika saraiynda shyǵarmashylyq jolynyń 30 jyldyǵyna arnalǵan «Qaragóz-Aiym» atty jeke kontserti ótti.