Aqmola oblysynyń Bestóbe kentindegi shahtada zańsyz altyn izdegen adam qaza tapty. Aldyn ala málimet boiynsha, ken ornynda tas opyrylyp, er adam úiindi astynda qalǵan, dep habarlaidy ult.kz.
Qaiǵyly oqiǵa týraly Aqmola oblystyq Politsiia departamenti habarlady. Politsiianyń málimetinshe, azamat shahta aýmaǵyna zańsyz kirip, altyn izdegen. Alaida ken ornynda tas qulap, ol úiindi astynda qalyp qoiǵan. Alǵan jaraqatynan oqiǵa ornynda kóz jumǵan.
Atalǵan jaǵdaiǵa bailanysty kúzetiletin nysanǵa zańsyz kirý deregi boiynsha qylmystyq is qozǵaldy.
«Qazirgi ýaqytta qajetti tergeý sharalary júrgizilip, oqiǵanyń mán-jaiy anyqtalyp jatyr», – dep habarlady óńirlik politsiia departamenti.