Қазақстан Тәуелсіздігіне 25 жыл

Qazaqstanda ekpe almaǵan balalardy mektep pen balabaqshaǵa kirgizbeýi múmkin

Qazaqstanda ekpe almaǵan balalardy mektep pen balabaqshaǵa kirgizbeýi múmkin
ashyq derekkóz

Qazaqstanda vaktsina almaǵan balalardyń mektep pen balabaqshaǵa barýyna shekteý qoiylýy múmkin. Alaida bul talap barlyq balaǵa birdei qoldanylmaidy. Balanyń bilim berý uiymyna barýyna synyptaǵy nemese toptaǵy ujymdyq immýnitet deńgeii áser etedi. Bul týraly Densaýlyq saqtaý vitse-ministri Manas Ramazanov málimdedi, dep habarlaidy ult.kz Nur.kz aqparat portalyna silteme jasap.

16 qarashada Quryltaida ótken brifingte jýrnalister vitse-ministrden ekpe almaǵan balalardyń mektep pen balabaqshaǵa barýyna qatysty pikir bildirýdi surady.

Buǵan ata-analardyń balabaqshalarda vaktsina almaǵan balalardyń bolýyna qatysty shaǵymdary sebep bolǵan. Olardyń pikirinshe, mundai jaǵdai qyzylsha jáne basqa da juqpaly aýrýlardyń taralýyna yqpal etýi múmkin.

Jýrnalister Densaýlyq saqtaý jáne Oqý-aǵartý ministrlikteri ekpe almaǵan balalarǵa bilim berý uiymdaryna barýǵa tyiym salatyn birlesken buiryq qabyldai ma dep surady.

Manas Ramazanovtyń aitýynsha, mundai shekteý qoldanystaǵy buiryqta qarastyrylǵan. Ásirese qyzylshaǵa qatysty talaptar ujymdyq immýnitet deńgeiine bailanysty qoldanylady.

«Eger toptaǵy nemese synyptaǵy balalardyń basym bóligi ekpe alǵan bolsa, bir balanyń vaktsina almaýy ujymdyq immýnitetke áser etpeidi. Mundai jaǵdaida bala sabaqqa bara alady. Al eger synyptaǵy nemese toptaǵy balalardyń kópshiligi ekpe almaǵan bolsa, mektep pen balabaqshaǵa barýǵa tyiym salynady», – dedi vitse-ministr.

Osylaisha, ekpeniń bolmaýy balany mektepke nemese balabaqshaǵa avtomatty túrde jibermeýge negiz bolmaidy. Ár jaǵdai ujymdaǵy vaktsina alǵan balalardyń úlesine qarai jeke qarastyrylady.

Vitse-ministr jańa birlesken buiryq qabyldanatyny týraly aqparat aitqan joq. Onyń túsindirýinshe, bul másele qoldanystaǵy tártip aiasynda retteledi.