Қазақстан Тәуелсіздігіне 25 жыл

Astanada 11-synyp oqýshysy mektepke pyshaq alyp kelip, eki synyptasyna shabýyl jasady

Astanada 11-synyp oqýshysy mektepke pyshaq alyp kelip, eki synyptasyna shabýyl jasady

Astanadaǵy mektepterdiń birinde 11-synyp oqýshysy pyshaqpen eki synyptasyna shabýyl jasaǵan. Zardap shekken oqýshylarǵa meditsinalyq kómek kórsetildi, dep habarlaidy ult.kz.

Elorda politsiia departamentiniń málimetinshe, oqiǵa saldarynan eki joǵary synyp oqýshysy zardap shekken. Qazirgi ýaqytta olardyń jaǵdaiy turaqty, ómiri men densaýlyǵyna qaýip tónip turǵan joq.

«Shabýyl jasaǵan kámeletke tolmaǵan oqýshy profilaktikalyq esepke alynyp, Psihikalyq densaýlyq ortalyǵynyń mamandaryna tapsyryldy. Sondai-aq onyń ata-anasy balany tárbieleý jónindegi mindetterin tiisinshe oryndamaǵany úshin jaýapkershilikke tartyldy», – dep habarlady politsiia departamenti.

Politsiia ókilderi bilim berý mekemesiniń qaýipsizdigin qamtamasyz etetin kúzet uiymynyń áreketine de quqyqtyq baǵa beriletinin málimdedi.

Sonymen qatar oqiǵanyń týyndaýyna sebep bolǵan jaǵdailar men faktorlardy joiý maqsatynda Astana qalasynyń Bilim basqarmasy men kámeletke tolmaǵandardyń isteri jónindegi komissiiaǵa tiisti usynystar joldanǵan.

Qazirgi ýaqytta oqiǵaǵa qatysty tiisti sharalar qabyldanýda.