Қазақстан Тәуелсіздігіне 25 жыл

Almatyda túngi apat: órt sóndirý kóligimen soqtyǵysqan júrgizýshi qaza tapty

Almatyda túngi apat: órt sóndirý kóligimen soqtyǵysqan júrgizýshi qaza tapty
Videodan skrinshot

Almatyda tún ortasynda bolǵan jol apaty adam ólimimen aiaqtaldy. Órt sóndirý qyzmetiniń arnaiy kóligimen soqtyǵysqan Toyota Camry júrgizýshisi oqiǵa ornynda kóz jumdy. Arnaiy kóliktiń júrgizýshisi aýrýhanaǵa jetkizildi, dep habarlaidy ult.kz.

Qaiǵyly oqiǵa 17 qarasha kúni saǵat 00:40 shamasynda Áýezov pen Timiriazev kósheleriniń qiylysynda bolǵan. Jol apatynyń kadrlary áleýmettik jelide taralyp, onda soqtyǵysqan kólikter men oqiǵa ornynda jumys istep jatqan shuǵyl qyzmet ókilderin kórýge bolady.

Almaty qalalyq Politsiia departamentiniń málimetinshe, qiylysta órt sóndirý qyzmetiniń arnaiy kóligi men Toyota Camry soqtyǵysqan. Aldyn ala derek boiynsha, órt sóndirý kóligi jaryq belgilerin qosyp, shaqyrtýǵa bara jatqan. Alaida qiylystan ótý kezinde jeńil avtokólikpen soqtyǵysqan.

«Jol-kólik oqiǵasy saldarynan jeńil kóliktiń júrgizýshisi ómirge sáikes kelmeitin jaraqattar alyp, kórsetilgen meditsinalyq kómekke qaramastan oqiǵa ornynda kóz jumdy. Arnaiy kóliktiń júrgizýshisi meditsinalyq mekemege jetkizildi», – dep habarlady politsiia.

Adam ólimine ákep soqqan jol apatyna bailanysty Almaty qalalyq Politsiia departamentiniń anyqtaý basqarmasy sotqa deiingi tergeý amaldaryn bastady.

Qazir mamandar oqiǵanyń barlyq mán-jaiyn anyqtap jatyr. Apatqa ne sebep bolǵany tergeý nátijesinde belgili bolady.