Aqtóbe oblysynda qysqy dóńgelek satyp almaq bolǵan bes turǵyn internet-alaiaqtardyń qurbany boldy. Qarasha aiynyń basynan beri keltirilgen shyǵyn bir million teńgege jýyqtaǵan, dep habarlaidy ult.kz.
Politsiia málimetinshe, alaiaqtar internette dóńgelekterdi naryqtaǵy baǵadan arzan usynyp, taýardy jetkizip berýge ýáde etedi. Satyp alýshylardan brondaý nemese satyp alý úshin aldyn ala tólem suraidy. Aqshany alǵan soń bailanysqa shyqpai, habarlandyrýlaryn óshirip tastaidy.
Politsiia turǵyndarǵa satýshynyń senimdiligin teksermei aqsha aýdarmaýǵa jáne taýardy kórmei turyp aldyn ala tólem jasamaýǵa keńes berdi.
Buǵan deiin Ishki ister ministrligi de qysqy dóńgelek satýǵa qatysty jalǵan habarlandyrýlar kóbeiýi múmkin ekenin eskertken bolatyn.