Қазақстан Тәуелсіздігіне 25 жыл

Qazaqstanda otandyq óndirýshilermen 79,7 mlrd teńgege uzaq merzimdi kelisimshart jasaldy

Qazaqstanda otandyq óndirýshilermen 79,7 mlrd teńgege uzaq merzimdi kelisimshart jasaldy
ashyq derekkóz

2026 jyldyń basynan beri jer qoinaýyn paidalanýshylar qazaqstandyq kásiporyndarmen 79,7 mlrd teńgege 75 uzaq merzimdi kelisimshart jasasqan. Bul týraly Úkimet otyrysynda Energetika ministri Erlan Aqkenjeev baiandady, dep habarlaidy ult.kz.

Ministrliktiń málimetinshe, 2026 jylǵy qazanda ótken Munai-gaz mashinasyn jasaýdy damytý forýmy men iri munai-gaz operatorlarynyń ashyq esik kúnderiniń qorytyndysy boiynsha otandyq óndirýshilermen jalpy somasy 301,5 mlrd teńgege 27 kelisimshartqa qol qoiylǵan. Sonymen qatar aldaǵy yntymaqtastyq jóninde 10 memorandým jasalǵan.

Otandyq kásiporyndardy qoldaý aiasynda biyl 668,9 mln teńgege 42 ofteik-kelisimshart ta jasaldy. Bul rette munai-gaz operatorlary arasynda suranysqa ie 160-tan astam taýar túri 19 sanatqa bólingen.

Ministrdiń baiandamasynda aitylǵandai, óndiristi jergiliktendirý baǵytynda da jumystar júrgizilýde. 2022–2025 jyldary 7,9 mlrd teńgege 10 óndiris oqshaýlanyp, 350-den astam jańa jumys orny ashylǵan. Qazir álemdik jáne qazaqstandyq óndirýshilermen birlesip, 37,7 mlrd teńgege 15 jańa óndiristi jergiliktendirý jobasy iske asyrylyp jatyr.

Budan bólek, otandyq kásiporyndardyń halyqaralyq sertifikattaý shyǵyndaryn óteý shegi 3 myńnan 15 myń ailyq eseptik kórsetkishke deiin ulǵaitylǵan. Bul óndirýshilerge 60 mln teńgege deiingi shyǵynyn ótep alýǵa múmkindik beredi. Sondai-aq olardyń iri munai-gaz operatorlarynyń jetkizý tizbegine qosylyp, ónimderin shetelge eksporttaýyna jol ashady.

Búginde munai-gaz salasyndaǵy jeti otandyq taýar óndirýshi Eýropa, Soltústik Amerika jáne Aziia elderine ónim eksporttap otyr.