Қазақстан Тәуелсіздігіне 25 жыл

Koreialyq kompaniia Seýlde Kazakh Tourism ókildigin ashýdy usyndy

Koreialyq kompaniia Seýlde Kazakh Tourism ókildigin ashýdy usyndy
ortcom.kz

Týrizm jáne sport ministri Erbol Myrzabosynov elordada Nordic Condor Korea kompaniiasynyń bas direktory Sý San Pilmen kezdesti. Taraptar Qazaqstannyń týristik áleýetin Ońtústik Koreiada keńinen tanytý, elimizge keletin týrister sanyn arttyrý jáne Seýlde Kazakh Tourism ókildigin ashý múmkindigin talqylady. Bul týraly Týrizm jáne sport ministrligi habarlady, dep jazady ult.kz.

Kezdesý barysynda Nordic Condor Korea kompaniiasynyń basshysy Qazaqstanmen týristik yntymaqtastyqty damytýǵa qyzyǵýshylyq bildirdi. Buǵan deiin negizinen Eýropa elderine týristik saparlar uiymdastyrǵan kompaniia naryqty zerttep, Qazaqstandy koreialyq saiahatshylar úshin jańa týristik baǵyt retinde tanytýdy kózdep otyr. Osy maqsatta kompaniia basshysy Seýlde Kazakh Tourism ókildigin ashýdy usyndy.

Erbol Myrzabosynov Koreia Respýblikasynyń Qazaqstan úshin mańyzdy týristik naryqtardyń biri ekenin atap ótti. Sondai-aq elimiz koreialyq saiahatshylarǵa kórkem tabiǵatyn, tarihi-mádeni muralaryn, Almaty men Astananyń kórikti jerlerin, sondai-aq taý týrizminiń múmkindikterin usyna alatynyn jetkizdi.
 

«Bizdiń maqsatymyz – Qazaqstannyń týristik áleýetin keńinen tanytý, koreialyq týroperatorlarmen bailanysty nyǵaitý jáne elimizge keletin týrister sanyn arttyrý. Sondyqtan Nordic Condor Korea kompaniiasymen yntymaqtastyq ornatýǵa daiynbyz», – dedi ministr.
 

QR UQK Shekara qyzmetiniń málimetinshe, 2025 jyly Qazaqstanǵa Koreia Respýblikasynyń 50,9 myń azamaty kelgen. Al 2026 jyldyń alǵashqy toǵyz aiynda bul kórsetkish 50 292 adamǵa jetken.

Kezdesý qorytyndysynda taraptar yntymaqtastyqtyń naqty baǵyttaryn, ókildiktiń jumys tártibi men qarjylandyrý sharttaryn birlesip pysyqtaýǵa ýaǵdalasty. Joba júzege asqan jaǵdaida ókildikti ashýǵa jáne onyń kúndelikti qyzmetine biýdjetten qosymsha qarajat bólý qajet bolmaidy.

Anyqtama: Nordic Condor Korea – halyqaralyq týrizm naryǵynda kópjyldyq tájiribesi bar koreialyq kompaniia. Buǵan deiin negizinen Eýropa elderine týristik saparlar uiymdastyrǵan kompaniia endi Qazaqstandy koreialyq saiahatshylar úshin jańa týristik baǵyt retinde damytýǵa nietti.