Ulttar ligasy S3 tobynyń besinshi týryndaǵy kezdesý Kishinevtegi «Zimbrý» stadionynda ótip, alań ieleriniń 2:1 esebimen jeńisimen aiaqtaldy, dep habarlaidy ult.kz.
Moldova quramasynyń shabýylshysy Petrý Popeský dýbl avtory atandy. Qazaqstan quramasy sapyndaǵy jalǵyz goldy vinger Islam Chesnokov soqty.
Osylaisha, Qazaqstan quramasy Ulttar ligasynda ázirge birde-bir jeńiske jete almady. Eki upai jinaǵan niderlandtyq maman Djon van 't Ship jattyqtyratyn komanda topta tórtinshi, iaǵni sońǵy orynda tur.
Qazaqstan quramasy Ulttar ligasyndaǵy sońǵy kezdesýin 16 qarashada Astanadaǵy «Astana Arena» stadionynda Slovakiiaǵa qarsy ótkizedi.
