Qazaqstandyq shahmatshy Bibisara Asaýbaeva Býdapeshte ótip jatqan Total Chess World Championship Tour Pilot 2026 sýpertýrniriniń blits kezeńinde sátsiz óner kórsetti. Ol Ózbekstan quramasynyń kóshbasshysy Nodirbek Abdýsattorovqa ese jiberdi, dep habarlaidy ult.kz.
Belgili bolǵanyndai, altynshy týrda qara figýralarmen oinaǵan Abdýsattorov qazaqstandyq shahmatshyny jeńdi. Bul kezdesý shveitsariialyq júie boiynsha ótken blits saiysynyń aiasynda uiymdastyryldy.
Toǵyz týrdyń qorytyndysy boiynsha Bibisara Asaýbaeva bar bolǵany 0,5 upai jinap, 24 qatysýshynyń arasynda sońǵy orynǵa turaqtady. Al onyń qarsylasy Nodirbek Abdýsattorov 3,5 upaimen 19-orynǵa jaiǵasty.
Blits kezeńinde top jarǵan norvegiialyq Magnýs Karlsen jeti upai jinady. Frantsiialyq Maksim Vashe-Lagrav 6,5 upaimen ekinshi oryn alsa, amerikalyq Levon Aronian alty upaimen úzdik úshtikti túiindedi.
10-20 qarasha aralyǵynda ótip jatqan týrnir blits, rapid jáne jyldam klassika jarystarynan turady. Kelesi kezeń 11 qarashada bastalady.
