Qostanai oblysynyń Uzynkól aýdanynda eki mektep oqýshylarynyń jeke derekterin zańdy ókilderiniń jazbasha kelisiminsiz bógde uiymdarǵa bergen. Tipti mektepterdiń biriniń resmi saitynda kámeletke tolmaǵandardyń jeke málimetteri kórsetilgen qujattar ashyq jariialanǵan, dep habarlaidy ult.kz.
Oblystyq prokýratýranyń málimetinshe, zańbuzýshylyqtar balalardyń qaýipsizdigin qamtamasyz etýge qatysty zańnama talaptarynyń oryndalýyn tekserý barysynda anyqtalǵan. Atap aitqanda, bilim berý uiymdarynda derbes derekterdi qorǵaý jáne aqparattyq qaýipsizdikti saqtaý talaptary eskerilmegen.
Tekserý kezinde mektepterde internet-kontentti súzgileý jumystarynyń da tiisti deńgeide júrgizilmegeni belgili boldy. Sonyń saldarynan oqýshylar zorlyq-zombylyqty, qumar oiyndardy nasihattaityn jáne destrýktivti mazmundaǵy saittarǵa erkin kire alǵan.
Anyqtalǵan zańbuzýshylyqtar úshin mektepterdiń biriniń basshysy Ákimshilik quqyq buzýshylyq týraly kodekstiń 79-babynyń 2-bóligi boiynsha ákimshilik jaýaptylyqqa tartyldy.
Prokýrorlyq qadaǵalaý aktisinen keiin barlyq anyqtalǵan zańbuzýshylyq joiylǵan.
Prokýratýra kámeletke tolmaǵandardyń quqyqtaryn qorǵaý, jeke derekteriniń qupiialylyǵyn saqtaý jáne bilim berý uiymdaryndaǵy aqparattyq qaýipsizdikti qamtamasyz etý máseleleri baqylaýda ekenin málimdedi.
