Qazaqtyń kórnekti oishyly, aqyn-aǵartýshysy Máshhúr Júsip Kópeiulynyń sirek basylymdardan quralǵan muralar jinaǵy IýNESKO-nyń «Álem jady» baǵdarlamasynyń Aziia-Tynyq muhity óńirlik tizimine engizildi, dep habarlaidy ult.kz.
Bul sheshim Indoneziianyń Djakarta qalasynda ótken IýNESKO-nyń «Álem jady» baǵdarlamasy óńirlik komitetiniń (MOWCAP) otyrysynda qabyldanǵan. Nominatsiialyq qujattardy Qazaqstan tarapy ázirlep, halyqaralyq uiymnyń qaraýyna usynǵan.
«Ǵylym ordasy» RMK qorynda saqtalǵan sirek basylymdarda qazaq halqynyń tarihy, ádebieti men rýhani ómirine qatysty qundy derekter bar.
Máshhúr Júsip Kópeiuly óz eńbekterinde XIX ǵasyrdyń ekinshi jartysy men XX ǵasyrdyń basyndaǵy qoǵamdyq ómirdi, halyqtyń turmys-tirshiligin, salt-dástúri men dúnietanymyn keńinen sipattaǵan. Sondai-aq shyǵarmalarynda ǵylym men bilimge umtylý, aǵartýshylyq jáne ulttyq qundylyqtardy dáripteý ideialary kórinis tapqan.
Nominatsiialyq qujattardy daiyndaýǵa jáne muranyń tarihi-mádeni qundylyǵyn ǵylymi turǵydan negizdeýge «Ǵylym ordasy» Ortalyq ǵylymi kitaphanasynyń mamandary atsalysqan.
Bul sheshim Máshhúr Júsiptiń shyǵarmashylyq murasyn halyqaralyq deńgeide nasihattap, tereń zertteýge jáne qazaqtyń jazba mádenietin álemge tanytýǵa múmkindik beredi.
