Ánshi Erlan Kókeev «ABK» tobynyń qalai qurylǵanyn áńgimelep, Qydyráli Bolmanovtyń buǵan deiingi sózine qatysty pikir bildirdi, dep habarlaidy ult.kz.

Buǵan deiin Qydyráli Bolmanov topty ózi qurǵanyn aitqan edi. Al Kókeevtiń aitýynsha, shyǵarmashylyq ujymnyń dúniege kelýine kezdeisoq jaǵdai sebep bolǵan.

“Qydyráli renjimesin, biraq jaǵdai múlde basqasha boldy. Top kezdeisoq quryldy”, – dedi ánshi.

Óner iesi bir joly Qala kúnine arnalǵan merekelik sharaǵa shaqyrtý alǵanyn eske aldy. Sol kezde ol uiymdastyrýshylarǵa dostarymen birge án aitqysy keletinin jetkizgen.

Kókeevtiń sózinshe, dostardyń sol keshte bir sahnaǵa shyǵyp, birge óner kórsetýi keiin «ABK» tobynyń qurylýyna ulasqan.

Aita keteiik, Tarap ketken ABK tobynyń músheleri Meirambek Besbaevtyń 50 jas toiynda bas qosty. 

«ABK» toby

1990 jyldary qazaq estradasynda tanylǵan trio. Top quramynda Medeý Arynbaev, Qydyráli Bolmanov jáne Erlan Kókeev óner kórsetti. Ujymnyń ataýy úsh ánshiniń teginiń bas áripterinen quralǵan: Arynbaev — «A», Bolmanov — «B», Kókeev — «K».

Toptyń kópshilikke keńinen tanylýyna 1996 jyly jazylǵan «Tamshylar» áni yqpal etti. Úsh oryndaýshy da bas qosqanǵa deiin mýzykalyq baiqaýlarǵa qatysyp, jeke ánderin jazyp júrgen ónerpazdar edi.

Keiin top músheleri shyǵarmashylyq joldaryn bólek jalǵastyrdy. Medeý Arynbaev jeke oryndaýshy retinde tanylsa, Erlan Kókeev «K-7» tobyn qurdy. Qydyráli Bolmanov ánshilikpen qatar prodiýserlikpen ainalysyp, birqatar ónerpazben jumys istedi.