Máskeýden Astanaǵa baǵyt alǵan ushaqtyń bortyna jarylǵysh zat qoiylǵany týraly habarlama tústi. Osydan keiin áýe kemesiniń salony tekserilip, kúmándi zattar tabylǵan joq, dep habarlaidy ult.kz.
Kóliktegi politsiia departamentiniń málimetinshe, Qazaqstan áýejaiyna tiisti aqparat túsken soń ushaqqa tekserý júrgizilgen.
«Máskeý – Astana áýe reisi ushaǵynyń salonyn qaraý barysynda jarylǵysh qurylǵylar men basqa da tyiym salynǵan zattar tabylǵan joq», – delingen resmi habarlamada.
Atalǵan derek boiynsha terrorizm aktisi týraly kórineý jalǵan habarlaý faktisimen qylmystyq is qozǵaldy. Qazir politsiia tergeý júrgizip, habarlama avtoryn anyqtap jatyr.
Aldyn ala málimet boiynsha, yqtimal qaýip týraly aqparat túsken sátte Máskeýden Astanaǵa baǵyt alǵan eki áýe reisi áýede bolǵan. Alaida oqiǵa 10 qarashada oryndalǵan «Aeroflot» áýe kompaniiasynyń SU1962 reisine qatysty bolýy múmkin. Flightradar24 derekterine sáikes, ushaq Astanaǵa jergilikti ýaqyt boiynsha saǵat 17:21-de, kesteden toǵyz minýt buryn qonǵan.
Aita keteiik, terrorizmge qarsy ortalyq mundai málimdemelerdiń barlyǵy mindetti túrde tekseriletinin eskertken. Jarylǵysh qurylǵy týraly jalǵan aqparat taratý zań boiynsha jaýapkershilikke ákep soǵady.
