Jetisý oblysynyń 31 jastaǵy turǵyny birden tórt ul balany dúniege ákeldi. Náresteler 24 qyrkúiekte júktiliktiń 30 aptasy 6 kúninde kesar tiligi arqyly dúniege kelgen. Búgin anasy sábilerimen birge perzenthanadan shyǵaryldy, dep habarlaidy ult.kz.
Tórt ulǵa Arlan, Arsylan, Álihan jáne Ámirhan degen esim berilgen. Osylaisha, otbasyndaǵy bala sany jetige jetti.
Bolashaq ana júktiliktiń 23-aptasynan bastap Akýsherlik, ginekologiia jáne perinatologiia ǵylymi ortalyǵy mamandarynyń baqylaýynda bolǵan.
Tórtemniń merziminen buryn dúniege kelý qaýpi joǵary bolǵandyqtan, dárigerler ana men balalardyń jaǵdaiyn turaqty baqylap, yqtimal asqynýlardyń aldyn alǵan. Kúrdeli júktilikti júrgizýge akýsher-ginekologtar, anesteziolog-reanimatologtar men neonatologtar jumyldyrylǵan.
Ananyń aitýynsha, birden tórt balany kútip júrgenin bilgende tańǵalyp, qýanyp, qobaljyǵan. Ol ózine jáne sábilerine kómek kórsetken meditsina qyzmetkerlerine alǵysyn bildirdi.
Aita keteiik, tórtemge júkti bolý óte sirek kezdesetin jaǵdai sanalady. Mundai júktilik ana men nárestelerdiń densaýlyǵyna erekshe baqylaý men joǵary deńgeidegi meditsinalyq kómekti qajet etedi.
