Abai oblysynyń Jarma aýdanynda ruqsatsyz altyn óndirgen toptyń áreketi anyqtaldy. Zańsyz qazba jumystary saldarynan 4 myń sharshy metrden astam jerdiń qunarly topyraq qabaty búlingen, dep habarlaidy ult.kz.
Qarjylyq monitoring agenttiginiń Abai oblysy boiynsha departamenti prokýratýranyń úilestirýimen zańsyz altyn óndirý deregin anyqtaǵan.
Tergeý málimetinshe, qylmystyq top Jańǵyztóbe kentinen 10 shaqyrym jerde tiisti ruqsatsyz quramynda altyny bar kendi ashyq ádispen qazyp, arnaiy jabdyqtarmen shaiǵan.
Aýmaqty tekserý kezinde tereńdigi 15 metrlik karer anyqtaldy. Zańsyz qazylǵan taý jynystarynyń kólemi 12 myń tekshe metrden asqan.
Jedel izdestirý sharalary barysynda iske qatysy bar toǵyz adam anyqtaldy. Oqiǵa ornynan kendi usaqtaýǵa jáne shaiýǵa arnalǵan jabdyqtar, quramynda altyny bar material salynǵan jeti qap, eki metall izdegish, eki tiegish pen bir ekskavator tárkilendi.
Qazir tergeý jalǵasyp jatyr. Qylmystyq-protsestik kodekstiń 201-babyna sáikes, ózge aqparat jariia etilmeidi.
