Jambyl oblysynyń Qordai aýdanyndaǵy Qarakemer aýylynda oqýshylar arasyndaǵy bopsalaý jáne úsh jasóspirimdi ózin-ózi óltirýge deiin jetkizý derekteri boiynsha tergeý aiaqtaldy. Qylmystyq is sotqa joldandy, dep habarlaidy ult.kz.
Oblystyq prokýratýranyń málimetinshe, aýyl mektepterinde «Sistema» dep atalatyn beiresmi top áreket etken. Onyń óz ierarhiiasy, baǵyný talaptary men jazalaý tártibi bolǵan.
Tergeý nusqasy boiynsha, top músheleriniń bopsalaý áreketteri úsh jasóspirimniń qazasymen bailanysty bolýy múmkin.
Eki kúdiktige qorqytyp alý jáne ózin-ózi óltirýge deiin jetkizý baptary boiynsha aiyp taǵylyp, qamaýǵa alyndy. Taǵy bes adam qorqytyp alý boiynsha aiyptaldy. Olarǵa qatysty ózge bultartpaý sharalary qoldanyldy.
Qazirgi ýaqytta beiresmi toptyń qyzmeti toqtatylǵan. Aiyptalýshylardyń kinásin sot anyqtaidy.
