Soltústik Qazaqstan oblysynda jol jóndeýge bólingen 87 million teńgeni zańsyz iemdený deregi anyqtaldy. Qarajat Timiriazevo – Dokýchaevo baǵytyndaǵy avtojoldy ortasha jóndeýge qarastyrylǵan. Qarjy jymqyrýǵa merdiger uiymnyń burynǵy basshysy kúdikti retinde tanyldy, dep habarlaidy ult.kz.
Prokýratýra málimetinshe, atalǵan derek boiynsha materialdar biyl 12 qazanda tirkelip, oblystyq Ekonomikalyq tergep-tekserý departamentine joldanǵan. Sol kúni Qylmystyq kodekstiń 190-baby 4-bóligi, iaǵni asa iri mólsherdegi alaiaqtyq deregi boiynsha sotaldy tergeý bastalǵan.
Qazirgi ýaqytta kúdikti sot sheshimimen qamaýǵa alyndy. Qylmystyq istiń tergelý barysyn oblystyq prokýratýra baqylaýyna alǵan.
