Aqtóbede 16 jastaǵy eki jasóspirim qurdastaryna shabýyl jasap, uialy telefondary men kúrtesin tartyp alǵan. Kúdiktiler ustalyp, ýaqytsha ustaý izoliatoryna qamaldy, dep habarlaidy ult.kz.
Oqiǵa 1 qarashaǵa qaraǵan túni qaladaǵy saiabaqtardyń birinde bolǵan. Politsiia málimetinshe, jasóspirimder serýendep júrgen eki qurdasyn kúsh qoldanýmen qorqytyp, jeke zattaryn ashyq túrde tartyp alǵan.
Kriminaldyq politsiia qyzmetkerleri kúdiktilerdi jedel-izdestirý sharalary barysynda kóp uzamai ustady. Olardyń ekeýi de Aqtóbe qalasynyń turǵyndary ári jergilikti kolledj stýdentteri ekeni anyqtaldy.
Jasóspirimder kinásin moiyndaǵan. Tonalǵan zattar tolyqtai tárkilendi. Qazir atalǵan derek boiynsha sotqa deiingi tergeý júrgizilip jatyr.
Qylmystyq kodekstiń 191-baby 2-bóligine sáikes, bul áreket úshin múlikti tárkileý jáne jeti jylǵa deiin bas bostandyǵynan aiyrý jazasy kózdelgen.
