«Qyzyl-Jar SQ» fýtbol klýbynyń burynǵy prezidenti Grigorii Loriiaǵa izdeý jariialandy. Ol 414 mln teńgeden astam biýdjet qarajatyn jymqyrdy jáne salyq tóleýden jaltardy degen kúdikke ilingen, dep habarlaidy ult.kz.
Qarjylyq monitoring agenttiginiń málddimetinshe, 2023 jyly fýtbol klýbynyń qyzmetin qarjylandyrý úshin jergilikti biýdjetten 1,7 mlrd teńge bólingen.
Tergeý nusqasy boiynsha, Grigorii Loriia klýbtyń bas býhgalterimen jáne ózge de tulǵalarmen aldyn ala sóz bailasyp, qarjylyq qujattardy qoldan jasaǵan. Sondai-aq biýdjet qarajatyn jeke shottarǵa negizsiz aýdarý shemasyn uiymdastyrǵan degen kúdik bar.
Budan bólek, býhgalterlik jáne salyq eseptiligine kórineý jalǵan málimetter engizilgeni anyqtalǵan. Atap aitqanda, salyq deklaratsiialarynda qyzmetkerlerdiń tabysy, eńbekaqy tóleý qory men uiymnyń jyldyq jiyntyq tabysy tómendetilip kórsetilgen.
Qazirgi ýaqytta kúdiktiniń júrgen jeri anyqtalyp jatyr.
