Abai oblysynda balalar men jasóspirimder sport mektebiniń býhgalteri eki jyl boiy jalaqyny zańsyz aýdaryp, memleketke 8,3 mln teńge shyǵyn keltirgen. Sot ony úsh jylǵa bas bostandyǵyn shekteý jazasyna kesti, dep habarlaidy ult.kz.
Jarma aýdany prokýratýrasynyń tekserýi barysynda «Jarma aýdandyq balalar men jasóspirimder sport mektebi» kommýnaldyq kásipornynda zańbuzýshylyq anyqtalǵan.
Belgili bolǵandai, býhgalter eki jyl boiy óziniń jáne mekemeniń is júrgizýshisiniń bank shottaryna jalaqyny zańsyz túrde artyq eseptep otyrǵan. Sonyń saldarynan memleketke 8,3 mln teńge kóleminde zalal kelgen.
Tergeý kezinde býhgalter kinásin moiyndap, keltirilgen shyǵyndy tolyq ótegen.
Jarma aýdandyq sotynyń úkimimen ol iri mólsherde alaiaqtyq jasaǵany úshin kináli dep tanyldy. Oǵan úsh jylǵa bas bostandyǵyn shekteý jáne bes jyl boiy belgili bir laýazymdardy atqarý quqyǵynan aiyrý jazasy taǵaiyndaldy.
Sot úkimi zańdy kúshine endi.
