Meirambek Bespaev jýyrda 50 jasyn atap ótti, dep habarlaidy ult.kz.

Merekelik keshke qazaq estradasynyń juldyzdary jinaldy. Toida túsirilgen videolardyń ishinde Móldir Áýelbekovanyń qolyna bir býma aqsha ustap turǵan sáti kópshiliktiń nazaryn aýdardy.

Jeli qoldanýshylary ánshiniń mereitoi iesine qansha aqsha syilaǵanyn boljap álek. Biri qolyndaǵy kýpiýralardy 10 myń teńgelik dese, endi biri 20 myń teńgelik dep topshylap jatyr. Ázirge syiǵa berilgen aqshanyń naqty somasy belgisiz.

Sondai-aq Móldir mereitoi iesimen birge sahnaǵa shyqty. Al ánshiniń ákesi Meirambek Bespaevqa arnaiy tigilgen shapan syilady.

Móldir Áýelbekova kim? 
 

Móldir Esirkepqyzy Áýelbekova – qazaqstandyq ánshi, aktrisa jáne telejúrgizýshi. 1986 jyly 10 tamyzda Taraz qalasynda dúniege kelgen. Jastaiynan án ónerine qyzyǵyp, túrli baiqaýda baq synaǵan.

2001 jyly Tarazdaǵy Abai atyndaǵy gýmanitarlyq kolledjdiń mýzyka bólimine oqýǵa túsip, dombyra synybyn bitirgen. Oblystyq “Aigólek” án baiqaýynda birinshi oryn alyp, “Boztorǵai” baiqaýynyń diplomanty atanǵan. 2004 jyly “SuperStar.kz” jobasynyń ekinshi maýsymyna qatysyp, úzdik ondyqqa engen.

2005 jyly Temirbek Júrgenov atyndaǵy Qazaq ulttyq óner akademiiasyna túsip, Liýtsiia Tóleshovanyń synybynda bilim alǵan. Stýdent kezinde keiin “KeshYou” atanǵan toptyń quramyna qabyldandy. Osy ujymda óner kórsetip, kópshilikke keńinen tanyldy. 2010 jyly toppen birge “Shyǵys bazary” halyqaralyq án baiqaýynyń bas júldesin jeńip alǵan.

Móldir kino salasynda da baǵyn synady. 2010 jyly jaryq kórgen “Ǵashyq júrek” filminde basty róldi somdady. Keiin kartinanyń ekinshi bólimine de tústi.

2012 jyldan bastap jeke shyǵarmashylyqqa den qoidy. Repertýarynda “Týǵan jer”, “Kútemin”, “Janym-janym”, “Bir sen úshin”, “Tolǵaý”, “Ósiet” sekildi ánder bar. Ánshilikpen qatar telejúrgizýshi retinde de kórinip, “Qazaqstan” ulttyq arnasyndaǵy “Elim meniń” baǵdarlamasyn júrgizgen.