Ánshi Móldir Muqan Athambek Iýldashevtyń jeke kontsertine arnaiy shaqyrtý alǵanyn aityp, keshke qatysýǵa kelgenin jetkizdi, dep habarlaidy ult.kz.

Óner iesiniń sózinshe, Athambek Iýldashev onyń osy keshte bolǵanyn qalaǵan. Móldir Muqan shaqyrtýdy qabyl alyp, aǵasynyń batasyn da alǵanyn aitty.

“Aǵa meni arnaiy shaqyryp, osy keshte Móldir Muqan bolsyn degen eken. Arnaiy kelip turmyn. Batasyn da berdi”, – dedi ánshi.

Aita keteiik, Tursynbek Qabatovtyń áieli synǵa jaýap berdi. 

Móldir Muqan kim? 
 

Móldir Muqan – qazaqstandyq ánshi, prodiýser, aktrisa ári bloger. Kópshilikke Móldir Muqanova esimimen de tanys. Ol ónerdiń birneshe baǵytyn qatar alyp júr.

Prodiýser retinde ánshi ári dombyrashy Aqtoty Bolyshevamen jumys istegen. Keiin óziniń de ánshilik qabiletin tanytyp, jeke shyǵarmalaryn tyńdarmanǵa usyna bastady. Onyń repertýarynda “Ótirik”, “Ómir súr qalma elden” ánderi bar. Móldir án aitýdy bala kúngi armany ári jany qalaǵan is dep túsindiredi. 

Ol akterlik baǵytta da baǵyn synap júr. “Shai v bolshom gorode” filmine qatysyp, muny kinodaǵy alǵashqy qadamy retinde tanystyrǵan. Suhbattarynda shyǵarmashylyq josparymen qatar, ómirlik tájiribesi men basynan ótken qiyndyqtary týraly da ashyq aitady. 

Móldir Muqan áleýmettik jelide de belsendi. Paraqshasynda shyǵarmashylyǵy, bala tárbiesi, kúndelikti tirshiligi men ómirge kózqarasy týraly bólisedi. Oqyrmandarymen bailanys ornatyp, ózine qoldaý bildirgen jandarǵa rizashylyǵyn jetkizip turady.