Әнші Мөлдір Мұқан Атхамбек Юлдашевтың жеке концертіне арнайы шақырту алғанын айтып, кешке қатысуға келгенін жеткізді, деп хабарлайды ult.kz.

Өнер иесінің сөзінше, Атхамбек Юлдашев оның осы кеште болғанын қалаған. Мөлдір Мұқан шақыртуды қабыл алып, ағасының батасын да алғанын айтты.

“Аға мені арнайы шақырып, осы кеште Мөлдір Мұқан болсын деген екен. Арнайы келіп тұрмын. Батасын да берді”, – деді әнші.

Айта кетейік, Тұрсынбек Қабатовтың әйелі сынға жауап берді. 

Мөлдір Мұқан кім? 
 

Мөлдір Мұқан – қазақстандық әнші, продюсер, актриса әрі блогер. Көпшілікке Мөлдір Мұқанова есімімен де таныс. Ол өнердің бірнеше бағытын қатар алып жүр.

Продюсер ретінде әнші әрі домбырашы Ақтоты Болышевамен жұмыс істеген. Кейін өзінің де әншілік қабілетін танытып, жеке шығармаларын тыңдарманға ұсына бастады. Оның репертуарында “Өтірік”, “Өмір сүр қалма елден” әндері бар. Мөлдір ән айтуды бала күнгі арманы әрі жаны қалаған іс деп түсіндіреді. 

Ол актерлік бағытта да бағын сынап жүр. “Шай в большом городе” фильміне қатысып, мұны кинодағы алғашқы қадамы ретінде таныстырған. Сұхбаттарында шығармашылық жоспарымен қатар, өмірлік тәжірибесі мен басынан өткен қиындықтары туралы да ашық айтады. 

Мөлдір Мұқан әлеуметтік желіде де белсенді. Парақшасында шығармашылығы, бала тәрбиесі, күнделікті тіршілігі мен өмірге көзқарасы туралы бөліседі. Оқырмандарымен байланыс орнатып, өзіне қолдау білдірген жандарға ризашылығын жеткізіп тұрады.