Reseiden Qazaqstanǵa tasymaldanǵan 605 myń dana taýyq jumyrtqasynan veterinariialyq talaptardyń buzylǵany anyqtaldy. Ónim tiisti tańbalaýsyz tasymaldanǵan, dep habarlaidy ult.kz.
Oqiǵa «Syrym» veterinariialyq baqylaý beketinde tirkelgen. Samara oblysynan Qyzylorda oblysyna baǵyt alǵan eki júk kóligi tekserilgen. Nátijesinde jumyrtqalardyń syrtqy qaptamasynda tańbalaý japsyrmalary joq ekeni anyqtaldy.
Osyǵan bailanysty eki júk kóligi de Reseige keri qaitaryldy. Júrgizýshilerge qatysty Ákimshilik quqyq buzýshylyq týraly kodekstiń 406-baby boiynsha hattama toltyrylyp, aiyppul salyndy.
Aýyl sharýashylyǵy ministrliginiń málimetinshe, jyl basynan beri óńirdegi veterinariialyq baqylaý beketterinde 294 zańbuzýshylyq tirkelgen. Nátijesinde 294 kólik keri qaitarylyp, 147 adam ákimshilik jaýapkershilikke tartylǵan.
Vedomstvo júk tasymaldaýshylarǵa ónimniń tiisti tańbasy bolýyn, veterinariialyq qujattardyń durys rásimdelýin jáne veterinariialyq-sanitariialyq talaptardyń saqtalýyn eskertti.
