اباي وبلىسىندا بالالار مەن جاسٶسپٸرٸمدەر سپورت مەكتەبٸنٸڭ بۋحگالتەرٸ ەكٸ جىل بويى جالاقىنى زاڭسىز اۋدارىپ, مەملەكەتكە 8,3 ملن تەڭگە شىعىن كەلتٸرگەن. سوت ونى ٷش جىلعا باس بوستاندىعىن شەكتەۋ جازاسىنا كەستٸ, دەپ حابارلايدى ult.kz.
جارما اۋدانى پروكۋراتۋراسىنىڭ تەكسەرۋٸ بارىسىندا «جارما اۋداندىق بالالار مەن جاسٶسپٸرٸمدەر سپورت مەكتەبٸ» كوممۋنالدىق كەسٸپورنىندا زاڭبۇزۋشىلىق انىقتالعان.
بەلگٸلٸ بولعانداي, بۋحگالتەر ەكٸ جىل بويى ٶزٸنٸڭ جەنە مەكەمەنٸڭ ٸس جٷرگٸزۋشٸسٸنٸڭ بانك شوتتارىنا جالاقىنى زاڭسىز تٷردە ارتىق ەسەپتەپ وتىرعان. سونىڭ سالدارىنان مەملەكەتكە 8,3 ملن تەڭگە كٶلەمٸندە زالال كەلگەن.
تەرگەۋ كەزٸندە بۋحگالتەر كٸنەسٸن مويىنداپ, كەلتٸرٸلگەن شىعىندى تولىق ٶتەگەن.
جارما اۋداندىق سوتىنىڭ ٷكٸمٸمەن ول ٸرٸ مٶلشەردە الاياقتىق جاساعانى ٷشٸن كٸنەلٸ دەپ تانىلدى. وعان ٷش جىلعا باس بوستاندىعىن شەكتەۋ جەنە بەس جىل بويى بەلگٸلٸ بٸر لاۋازىمداردى اتقارۋ قۇقىعىنان ايىرۋ جازاسى تاعايىندالدى.
سوت ٷكٸمٸ زاڭدى كٷشٸنە ەندٸ.
