اقتٶبەدە 16 جاستاعى ەكٸ جاسٶسپٸرٸم قۇرداستارىنا شابۋىل جاساپ, ۇيالى تەلەفوندارى مەن كٷرتەسٸن تارتىپ العان. كٷدٸكتٸلەر ۇستالىپ, ۋاقىتشا ۇستاۋ يزولياتورىنا قامالدى, دەپ حابارلايدى ult.kz.
وقيعا 1 قاراشاعا قاراعان تٷنٸ قالاداعى ساياباقتاردىڭ بٸرٸندە بولعان. پوليتسييا مەلٸمەتٸنشە, جاسٶسپٸرٸمدەر سەرۋەندەپ جٷرگەن ەكٸ قۇرداسىن كٷش قولدانۋمەن قورقىتىپ, جەكە زاتتارىن اشىق تٷردە تارتىپ العان.
كريمينالدىق پوليتسييا قىزمەتكەرلەرٸ كٷدٸكتٸلەردٸ جەدەل-ٸزدەستٸرۋ شارالارى بارىسىندا كٶپ ۇزاماي ۇستادى. ولاردىڭ ەكەۋٸ دە اقتٶبە قالاسىنىڭ تۇرعىندارى ەرٸ جەرگٸلٸكتٸ كوللەدج ستۋدەنتتەرٸ ەكەنٸ انىقتالدى.
جاسٶسپٸرٸمدەر كٸنەسٸن مويىنداعان. تونالعان زاتتار تولىقتاي تەركٸلەندٸ. قازٸر اتالعان دەرەك بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
قىلمىستىق كودەكستٸڭ 191-بابى 2-بٶلٸگٸنە سەيكەس, بۇل ەرەكەت ٷشٸن مٷلٸكتٸ تەركٸلەۋ جەنە جەتٸ جىلعا دەيٸن باس بوستاندىعىنان ايىرۋ جازاسى كٶزدەلگەن.
