قازاقستان عىلىمىنداعى اۋديت 51 ملرد تەڭگەنٸڭ قارجىلىق بۇزۋشىلىعىن انىقتادى. سونىمەن قاتار 47 ملرد تەڭگە تيٸمسٸز جوسپارلانىپ, پايدالانىلعان, 16 ملرد تەڭگە شىعىن مەن جٸبەرٸپ العان پايدا تٸركەلگەن. بۇل تۋرالى جوعارى اۋديتورلىق پالاتا تٶراعاسى ەليحان سمايىلوۆ قۇرىلتاي وتىرىسىندا مەلٸمدەدٸ, دەپ حابارلايدى ult.kz.
ونىڭ ايتۋىنشا, عىلىمي زەرتتەۋلەر مەن تەجٸريبەلٸك-كونسترۋكتورلىق جۇمىستارعا ارنالعان قارجىنىڭ بٸر بٶلٸگٸ عىلىمعا جۇمسالماعان. مەسەلەن, Astana Hub-تاعى 43 ملرد تەڭگەنٸڭ 23 ملرد تەڭگەسٸ باعالى قاعازدارعا سالىنسا, «سامعاۋدىڭ» 15 ملرد تەڭگەسٸنٸڭ 10 ملرد تەڭگەسٸ دەپوزيتتەر مەن رەپو وپەراتسييالارىنا ورنالاستىرىلعان. بۇل وپەراتسييالاردان تٷسكەن تابىس 14 ملرد تەڭگەدەن اسقان.
ال عىلىمي جوبالاردى ٸسكە قوسۋ 215 كٷننەن 2,5 جىلعا دەيٸن كەشٸكتٸرٸلگەن. بۇعان قوسا, جالپى قۇنى 32 ملرد تەڭگە بولاتىن 159 جوبا تولىققاندى مەملەكەتتٸك ەسەپتەن تىس قالعان.
«147 كەلٸسٸمشارت بويىنشا 9 ملرد تەڭگەگە جۋىق بەرەشەك انىقتالدى. ونىڭ 3 ملرد تەڭگەسٸ تالاپ قويۋ مەرزٸمٸنٸڭ ٶتۋٸنە بايلانىستى بيۋدجەتكە تٷسپەيدٸ», – دەدٸ ەليحان سمايىلوۆ.
اۋديت نەتيجەسٸندە 51 ملرد تەڭگەنٸڭ 37,7 ملرد تەڭگەسٸ قالپىنا كەلتٸرٸلگەن. قالعان قاراجاتتى 2027 جىلدىڭ بٸرٸنشٸ توقسانىندا قايتارۋ جوسپارلانىپ وتىر.
جوعارى اۋديتورلىق پالاتانىڭ مٷشەسٸ نۇرلان نۇرجانوۆتىڭ ايتۋىنشا, ەكٸ ادام تەرتٸپتٸك جاۋاپكەرشٸلٸككە تارتىلىپ, تٶرت لاۋازىمدى تۇلعا قىزمەتٸنەن بوساتىلعان. تاعى 32 ادامعا ەكٸمشٸلٸك جاۋاپكەرشٸلٸك قارالعان. ٷش ماتەريال قۇقىق قورعاۋ ورگاندارىنا جولدانعان.
عىلىم جەنە جوعارى بٸلٸم مينيسترٸ ساياسات نۇربەك عىلىم كوميتەتٸنٸڭ تٶراعاسى, ۇلتتىق ساراپتاما جەنە عىلىمي-تەحنيكالىق اقپارات ورتالىعى مەن عىلىم قورىنىڭ باسشىلارى قىزمەتٸنەن بوساتىلعانىن حابارلادى.
اۋديت قورىتىندىسى بويىنشا ٷكٸمەتكە بەس ۇسىنىم, ال تەكسەرٸلگەن مەكەمەلەرگە 66 تاپسىرما بەرٸلدٸ.
