الماتىدا تولاسسىز جاۋعان جاڭبىردان كەيٸن «الاتاۋ» مەترو ستانتسيياسىنىڭ سولتٷستٸك كٸرەبەرٸسٸن سۋ باستى. جەراستى ٶتكەلٸنە قاراي اققان سۋدىڭ ۆيدەوسى ەلەۋمەتتٸك جەلٸلەردە تارادى. مەتروپوليتەن ٶكٸلدەرٸ وقيعانى راستادى, دەپ حابارلايدى ult.kz.
11 قاراشا كٷنٸ تاڭەرتەڭ اباي داڭعىلى مەن جاروكوۆ كٶشەسٸنٸڭ قيىلىسىندا سۋ جينالىپ, جاياۋ جٷرگٸنشٸلەردٸڭ قوزعالىسىنا كەدەرگٸ كەلتٸرگەن. ەلەۋمەتتٸك جەلٸدە جارييالانعان كادرلاردان سۋدىڭ مەترو ستانتسيياسىنا اپاراتىن باسپالداق ماڭىنا دەيٸن جەتكەنٸن كٶرۋگە بولادى.
جەلٸ قولدانۋشىلارىنىڭ بٸرٸ جاعدايعا ەكٸمدٸكتٸڭ نازارىن اۋدارۋدى سۇراپ, جاياۋ جٷرگٸنشٸلەر جولىمەن جٷرۋ قيىنداعانىن جازعان. ونىڭ ايتۋىنشا, جينالعان سۋ باسپالداق ارقىلى مەتروعا قاراي اققان.
الماتى مەتروپوليتەنٸنٸڭ باسپاسٶز قىزمەتٸ سۋ باسۋ دەرەگٸن راستادى. رەسمي مەلٸمەتكە سەيكەس, قالالىق سۋ بۇرۋ جەلٸسٸنٸڭ تولىپ كەتۋٸنە بايلانىستى اباي داڭعىلىنان تٶمەن ورنالاسقان «الاتاۋ» ستانتسيياسىنىڭ سولتٷستٸك جاياۋ جٷرگٸنشٸلەر ٶتكەلٸن سۋ باسقان.
قازٸر مەترو ماماندارى جينالعان سۋدى سورىپ, اۋماقتى تازارتۋ جۇمىستارىن جٷرگٸزٸپ جاتىر. مەتروپوليتەن ٶكٸلدەرٸ جاعداي باقىلاۋدا ەكەنٸن مەلٸمدەدٸ.
سونىمەن قاتار ستانتسييا شتاتتىق رەجيمدە جۇمىس ٸستەپ تۇر. جولاۋشىلارعا قىزمەت كٶرسەتۋگە ەشقانداي شەكتەۋ قويىلماعان. باسقا مەترو ستانتسييالارىندا مۇنداي جاعداي تٸركەلمەگەن.
