قازاقستاندىق شاحماتشى بيبٸسارا اساۋباەۆا بۋداپەشتە ٶتٸپ جاتقان Total Chess World Championship Tour Pilot 2026 سۋپەرتۋرنيرٸنٸڭ بليتس كەزەڭٸندە سەتسٸز ٶنەر كٶرسەتتٸ. ول ٶزبەكستان قۇراماسىنىڭ كٶشباسشىسى نوديربەك ابدۋساتتوروۆقا ەسە جٸبەردٸ, دەپ حابارلايدى ult.kz.
بەلگٸلٸ بولعانىنداي, التىنشى تۋردا قارا فيگۋرالارمەن ويناعان ابدۋساتتوروۆ قازاقستاندىق شاحماتشىنى جەڭدٸ. بۇل كەزدەسۋ شۆەيتسارييالىق جٷيە بويىنشا ٶتكەن بليتس سايىسىنىڭ اياسىندا ۇيىمداستىرىلدى.
توعىز تۋردىڭ قورىتىندىسى بويىنشا بيبٸسارا اساۋباەۆا بار بولعانى 0,5 ۇپاي جيناپ, 24 قاتىسۋشىنىڭ اراسىندا سوڭعى ورىنعا تۇراقتادى. ال ونىڭ قارسىلاسى نوديربەك ابدۋساتتوروۆ 3,5 ۇپايمەن 19-ورىنعا جايعاستى.
بليتس كەزەڭٸندە توپ جارعان نورۆەگييالىق ماگنۋس كارلسەن جەتٸ ۇپاي جينادى. فرانتسييالىق ماكسيم ۆاشە-لاگراۆ 6,5 ۇپايمەن ەكٸنشٸ ورىن السا, امەريكالىق لەۆون ارونيان التى ۇپايمەن ٷزدٸك ٷشتٸكتٸ تٷيٸندەدٸ.
10-20 قاراشا ارالىعىندا ٶتٸپ جاتقان تۋرنير بليتس, راپيد جەنە جىلدام كلاسسيكا جارىستارىنان تۇرادى. كەلەسٸ كەزەڭ 11 قاراشادا باستالادى.
