پاۆلودارلىق «ەرتٸس» فۋتبول كلۋبى رەسمي تٷردە كوممەرتسييالىق باسقارۋ مودەلٸنە كٶشتٸ. كلۋبتى دامىتۋعا ٷش جەكە ينۆەستور قاتىسادى. ولارمەن ىنتىماقتاستىق تۋرالى مەموراندۋمعا قول قويىلدى, دەپ حابارلايدى ult.kz.
جاڭا ينۆەستورلار قۇرامىنا ٷش ۇيىم ەندٸ. اتاپ ايتقاندا, «پاۆلودار ٶزەن پورتى» اق كلۋبتىڭ 50 پايىز ٷلەسٸنە, «RR-CAPITAL» جشس مەن «بٸرٸككەن جەمٸس-كٶكٶنٸس كومپانيياسى» جشس 25 پايىزدان ٷلەسكە يە بولدى.
كلۋبتى كوممەرتسييالاندىرۋ قازاقستان پرەزيدەنتٸنٸڭ كەسٸبي فۋتبول كوماندالارىنا جەكە ينۆەستيتسييا تارتۋ جٶنٸندەگٸ تاپسىرماسى اياسىندا جٷزەگە اسىرىلدى. رەفورمانىڭ ماقساتى – باسقارۋ تيٸمدٸلٸگٸن ارتتىرۋ جەنە كلۋبتىڭ قارجىلىق تۇراقتىلىعىن قامتاماسىز ەتۋ.
ينۆەستورلار جىل سايىن كەمٸندە 1,5 ملرد تەڭگە بٶلەدٸ
ينۆەستورلار «ەرتٸستٸ» قارجىلاندىرۋ, ينفراقۇرىلىمدى, نەگٸزگٸ جەنە جاستار كوماندالارىن دامىتۋ بويىنشا ۇزاق مەرزٸمدٸ مٸندەتتەمەلەر الادى. جىل سايىنعى ينۆەستيتسييا كٶلەمٸ كەمٸندە 1,5 ملرد تەڭگە بولادى.
«پاۆلودار ٶزەن پورتى» اق 2026 جىلى كلۋبتى قولداۋعا دەمەۋشٸلٸك كٶمەك رەتٸندە 250 ملن تەڭگە بٶلگەن. جىل سوڭىنا دەيٸن تاعى 250 ملن تەڭگە باعىتتاۋدى جوسپارلاپ وتىر.
سونىمەن قاتار مەملەكەت بالالار جەنە ەيەلدەر فۋتبولىن دامىتۋعا قولداۋ كٶرسەتۋدٸ جالعاستىرادى.
«ەرتٸس» بانكروتتىقتان كەيٸن قايتا ورالدى
كلۋب ٷشٸن كوممەرتسييالىق باسقارۋ مودەلٸنە كٶشۋ بٸرنەشە كٷردەلٸ جىلدان كەيٸنگٸ جاڭا كەزەڭ بولماق. 2020 جىلى قارجىلىق قيىندىقتارعا بايلانىستى «ەرتٸس» جارىستارعا قاتىسۋىن توقتاتتى. ال 2022 جىلدىڭ قىركٷيەگٸندە بانكروت دەپ تانىلدى. كلۋبتى قايتا جانداندىرۋ جۇمىستارى 2023 جىلى باستالدى.
2024 جىلى كوماندا ەكٸنشٸ ليگادا ٶنەر كٶرسەتٸپ, كەسٸبي فۋتبولعا قايتا ورالدى. ٶز كونفەرەنتسيياسىندا 22 ويىننىڭ 18-ٸندە جەڭٸسكە جەتٸپ, 56 ۇپاي جينادى. قارسىلاستار قاقپاسىنا 70 گول سوقتى.
كەلەسٸ ماۋسىمدا بٸرٸنشٸ ليگادا ەكٸنشٸ ورىن الىپ, پرەمەر-ليگاعا جولداما جەڭٸپ الدى. وسىلايشا, ەكٸ جىلدىڭ ٸشٸندە جوعارى ديۆيزيونعا قايتا ورالدى.
جاڭا ستاديون مەن فۋتبول اكادەميياسى سالىنادى
كلۋبتىڭ كوممەرتسييالىق مودەلٸنە كٶشۋٸنە بايلانىستى ٶڭٸردە فۋتبول ينفراقۇرىلىمىن دامىتۋ جوسپارلانىپ وتىر.
2028 جىلى پاۆلوداردا 25 مىڭ كٶرەرمەنگە ارنالعان زاماناۋي ستاديون سالۋ كٶزدەلگەن. ال كەلەسٸ جىلدان باستاپ مەملەكەتتٸك-جەكەشەلٸك ەرٸپتەستٸك اياسىندا 200 جاس سپورتشىعا ارنالعان فۋتبول اكادەميياسىن اشۋ جوسپارلانىپ وتىر.
ايتا كەتەيٸك, «ەرتٸس» ٶز تاريحىندا بەس رەت قازاقستان چەمپيونى اتانعان. كوماندا 1993, 1997, 1999, 2002 جەنە 2003 جىلدارى ەل بٸرٸنشٸلٸگٸندە توپ جارعان. كلۋبتىڭ پرەمەر-ليگاعا قايتا ورالۋى ونىڭ 60 جىلدىق مەرەيتويىمەن تۇسپا-تۇس كەلدٸ.
