تانىمال ناتاشا قالىمبەتوۆا قىزىمەن بٸرگە اقش-تان تايلاندقا بارىپ, ۇلىمەن قاۋىشتى. ول وتباسىلىق كەزدەسۋدٸڭ قالاي ٶتكەنٸن ايتىپ, بالالارىنىڭ بٸر-بٸرٸمەن تەز تٸل تابىسقانىن جەتكٸزدٸ, دەپ حابارلايدى ult.kz.
ناتاشا قالىمبەتوۆا قىزىمەن بٸرگە ۇزاق ساپارعا شىققان. ولار وڭتٷستٸك كورەيا ارقىلى ۇشىپ, جولعا شامامەن 20 ساعات جۇمساعان. تايلاندقا جەتكەندە ەكەۋٸن ناتاشانىڭ ۇلى كٷتٸپ العان. ونىڭ ايتۋىنشا, بالالارى العاش كەزدەسكەن سەتتەن-اق بٸر-بٸرٸنە جاقىن تارتىپ, ەركٸن ەڭگٸمەلەسە باستاعان. ارالارىندا 10 جاس ايىرماشىلىق بولعانىنا قاراماستان, ەكەۋٸ تەز تٸل تابىسقان. تٸپتٸ قىزى ناتاشاعا حابارلاما جولداپ, ۇلىن جاقسى تەربيەلەگەنٸ ٷشٸن العىس ايتقان.
"ەكەۋٸ بٸر-بٸرٸمەن ەڭگٸمەلەسٸپ, بٸر-بٸرٸنەن جاقىن جان تاپقانداي بولدى. ەڭ باستىسى, ٷشەۋٸمٸز دە بٸر-بٸرٸمٸزگە ۇقسايمىز", – دەدٸ ول.
ناتاشا قالىمبەتوۆانىڭ سٶزٸنشە, قىزى بۇعان دەيٸن ازيياداعى ارالداردا دەمالىپ كٶرمەگەن. سوندىقتان ول وسى ساپاردى پايدالانىپ, قىزىنا تايلاندتىڭ تابيعاتى مەن كٶرٸكتٸ جەرلەرٸن كٶرسەتۋدٸ ۇيعارعان. قازٸر وتباسى مٷشەلەرٸ بٸر عيماراتتان بٶلەك بٶلمەلەر جالداپ, بٸرگە ۋاقىت ٶتكٸزٸپ جاتىر. سونداي-اق ەلدٸ ەركٸن ارالاۋ ٷشٸن كٶلٸك العان. الداعى كٷندەرٸ ولار تايلاندتىڭ تانىمال تۋريستٸك ورىندارىن ارالاپ, دەمالىستارىن جالعاستىرماق.
ايتا كەتەيٸك, بۇعان دەيٸن ناتاشا قالىمبەتوۆا قىزىمەن بيولوگييالىق تۋىستىعىن انىقتاۋ ماقساتىندا دنق ساراپتاماسىن تاپسىرعانىن مەلٸمدەگەن ەدٸ. كەيٸن زەرتتەۋ نەتيجەسٸ ولاردىڭ تۋىستىعىن راستاعانىن حابارلاعان.
