Tanymal Natasha Qalymbetova qyzymen birge AQSh-tan Tailandqa baryp, ulymen qaýyshty. Ol otbasylyq kezdesýdiń qalai ótkenin aityp, balalarynyń bir-birimen tez til tabysqanyn jetkizdi, dep habarlaidy ult.kz.
Natasha Qalymbetova qyzymen birge uzaq saparǵa shyqqan. Olar Ońtústik Koreia arqyly ushyp, jolǵa shamamen 20 saǵat jumsaǵan. Tailandqa jetkende ekeýin Natashanyń uly kútip alǵan. Onyń aitýynsha, balalary alǵash kezdesken sátten-aq bir-birine jaqyn tartyp, erkin áńgimelese bastaǵan. Aralarynda 10 jas aiyrmashylyq bolǵanyna qaramastan, ekeýi tez til tabysqan. Tipti qyzy Natashaǵa habarlama joldap, ulyn jaqsy tárbielegeni úshin alǵys aitqan.
"Ekeýi bir-birimen áńgimelesip, bir-birinen jaqyn jan tapqandai boldy. Eń bastysy, úsheýimiz de bir-birimizge uqsaimyz", – dedi ol.
Natasha Qalymbetovanyń sózinshe, qyzy buǵan deiin Aziiadaǵy araldarda demalyp kórmegen. Sondyqtan ol osy sapardy paidalanyp, qyzyna Tailandtyń tabiǵaty men kórikti jerlerin kórsetýdi uiǵarǵan. Qazir otbasy músheleri bir ǵimarattan bólek bólmeler jaldap, birge ýaqyt ótkizip jatyr. Sondai-aq eldi erkin aralaý úshin kólik alǵan. Aldaǵy kúnderi olar Tailandtyń tanymal týristik oryndaryn aralap, demalystaryn jalǵastyrmaq.
Aita keteiik, buǵan deiin Natasha Qalymbetova qyzymen biologiialyq týystyǵyn anyqtaý maqsatynda DNQ saraptamasyn tapsyrǵanyn málimdegen edi. Keiin zertteý nátijesi olardyń týystyǵyn rastaǵanyn habarlaǵan.
