قازاقستاندىق ەنشٸ ديماش قۇدايبەرگەننٸڭ مەكسيكاداعى جانكٷيەرلەرٸ ٶنەر يەسٸنە توسىنسىي جاساپ, ونىڭ الىپ پورترەتٸن قالا قابىرعاسىنا سالدىردى. ەرەكشە تۋىندى مونتەررەي قالاسىندا پايدا بولدى, دەپ حابارلايدى ult.kz.
ەنشٸنٸڭ شىعارماشىلىعىن جوعارى باعالايتىن جانكٷيەرلەر بۇل باستاما ارقىلى ديماشقا دەگەن قۇرمەتٸ مەن ىقىلاسىن بٸلدٸرگٸسٸ كەلگەن.
جوبانى Dimash&DearsRegiasMty فان-كلۋبى مەكسيكاداعى Dears por Dimash اليانسىنىڭ قولداۋىمەن جٷزەگە اسىرعان. ال قابىرعاداعى اۋقىمدى سۋرەتتٸ Antonio Art Mural ەسٸمٸمەن تانىلعان سۋرەتشٸ انتونيو سالعان. ديماشتىڭ پورترەتٸ مونتەررەي قالاسىنىڭ ورتالىعىنداعى Francisco Javier Mina 1140, Centro مەكەنجايىندا ورنالاسقان. ەندٸ قالا تۇرعىندارى مەن تۋريستەر قازاقستاندىق ەنشٸگە ارنالعان ەرەكشە ٶنەر تۋىندىسىن ٶز كٶزدەرٸمەن كٶرە الادى.
جانكٷيەرلەردٸڭ ايتۋىنشا, بۇل سۋرەت ەنشٸگە دەگەن سٷيٸسپەنشٸلٸكتٸڭ عانا ەمەس, قازاقستان مەن مەكسيكا اراسىنداعى مەدەني بايلانىستىڭ دا كٶرٸنٸسٸ.
"بٸزدٸڭ ويىمىزشا, بۇل كٶركەم تۋىندى جاي عانا ۆيزۋالدى ارناۋدان ەلدەقايدا ماڭىزدى. ول — مەكسيكالىق جانكٷيەرلەردٸڭ, ەسٸرەسە مونتەررەيدەگٸ Dears قاۋىمداستىعىنىڭ شىنايى سٷيٸسپەنشٸلٸگٸ مەن قۇرمەتٸنٸڭ كٶرٸنٸسٸ. بٸز ديماش پەن ونىڭ وتانى — قازاقستان ارقىلى قالىپتاسقان ٶنەر جەنە مەدەني بايلانىسىمىزدى ايشىقتاعىمىز كەلەدٸ", – دەدٸ Dears por Dimash اليانسىنىڭ ٶكٸلدەرٸ.
ايتا كەتەيٸك, بۇل سىيلىق ەنشٸنٸڭ مەكسيكاداعى كونتسەرتٸ قارساڭىندا جاسالىپ وتىر. ديماش قۇدايبەرگەن 14 قاراشادا DIMENSIONS ەلەمدٸك تۋرى اياسىندا مونتەررەي قالاسىندا ٶنەر كٶرسەتەدٸ.
جانكٷيەرلەر قابىرعاداعى پورترەت ەكٸ ەلدٸڭ دوستىعىن نىعايتىپ, قازاقستاندىق ەنشٸنٸڭ شىعارماشىلىعىن مەكسيكا جۇرتشىلىعىنا كەڭٸنەن تانىتۋعا ىقپال ەتەدٸ دەپ سەنەدٸ.
