Қазақстан Тәуелсіздігіне 25 жыл

Jánibek Álimhanuly jańa salmaqta óner kórsetetinin málimdedi

Jánibek Álimhanuly jańa salmaqta óner kórsetetinin málimdedi
Foto: instagram.com/janibek_alimkhanuly

Qazaqstandyq boksshy Jánibek Álimhanuly ekinshi orta salmaqqa aýysý týraly sheshimine qatysty pikir bildirdi. Sportshy bul salmaq dárejesin óziniń tabiǵi salmaǵy dep sanaitynyn aityp, jankúierlerine ringte múlde basqa Jánibekti kóretinderin ýáde etti, dep habarlaidy ult.kz.

Boksshy bul týraly X áleýmettik jelisindegi paraqshasynda jazdy.

Áýesqoi boksta Jánibek Álimhanuly 75 kelige deiingi salmaqta óner kórsetken. Alaida kásipqoi boksqa aýysqannan keiin 72,6 kelige deiingi orta salmaqta judyryqtasyp, birneshe chempiondyq belbeýdi biriktirgen.

Endi ol 76,2 kelige deiingi ekinshi orta salmaqqa aýysýdy kózdep otyr. Sportshynyń aitýynsha, bul sheshim óziniń burynǵy salmaǵyna qaita oralýymen bailanysty.

«Endi men tabiǵi salmaǵyma oralamyn. 168 fýnt salmaq dárejesinde sizder múlde basqa Jánibekti kóresizder!» – dep jazdy boksshy.

Aita keteiik, Jánibek Álimhanuly diskvalifikatsiiadan keiin 2027 jylǵy 23 qańtarda ringke oralady dep josparlanǵan. Ol ekinshi orta salmaqtaǵy WBO tujyrymy boiynsha bos turǵan álem chempiony ataǵy úshin datalyq Iakob Bankpen judyryqtasady.

Boksshy sońǵy jekpe-jegin 2025 jyldyń kókteminde Astanada kongolyq Anýel Ngamissengege qarsy ótkizip, qarsylasyn nokaýtpen jeńgen. Al 2025 jylǵy jeltoqsanda onyń doping synamasynan meldonii anyqtalyp, josparlanǵan tarihi jekpe-jegi ótpei qalǵan.