Қазақстан Тәуелсіздігіне 25 жыл

Kofe ishektiń jumysyna qalai áser etedi? Ǵalymdar zertteý nátijesin jariialady

Kofe ishektiń jumysyna qalai áser etedi? Ǵalymdar zertteý nátijesin jariialady
Food Shop / Shutterstock / FOTODOM

Kopengagen ýniversitetiniń ǵalymdary kofeni turaqty tutyný as qorytý júiesine, ásirese ishektiń qozǵalysyna áser etýi múmkin ekenin anyqtady. Zertteý nátijesi kofe ishetin adamdardyń ishek mikrobiomyndaǵy bakteriialardyń alýandyǵy joǵary bolatynyn da kórsetti, dep habarlaidy ult.kz Euronews.com saityna silteme jasap.

Zertteý nátijeleri ishek mikrobiologiiasyna arnalǵan Gut Microbiology jýrnalynda jariialanǵan.

Ǵalymdar zertteýge Daniiada turatyn 61 deni saý eresek adamdy qatystyrǵan. Olar qatysýshylardy kofe ishý jiiligine qarai eki topqa bólgen. Birinshi topqa zertteý kezeńinde segiz kúnniń keminde úsh kúninde kúnine 1-5 shynyaiaq kofe ishken adamdar kirse, ekinshi topqa kofeni sirek tutynatyndar engizilgen.

Zertteý barysynda qatysýshylar shaǵyn elektrondy kapsýlany jutqan. Qurylǵy as qorytý jolynan ótý kezinde ishektiń qyshqyldyq deńgeiin, temperatýrasyn, taǵam qaldyqtarynyń qozǵalý ýaqytyn jáne ishek jiyrylýyn ólshegen.

Nátijesinde kofeni turaqty ishetin adamdardyń ishek mikrobiomyndaǵy mikroorganizmder alýandyǵy joǵary ekeni baiqalǵan. Sonymen qatar olardyń ash ishegindegi qyshqyldyq deńgeii tómen, al toq isheginiń jiyrylýy jiirek bolǵan.

Ǵalymdardyń aitýynsha, toq ishektiń jiyrylýy as qorytý protsesine qatysyp, ishek quramynyń qozǵalýyna kómektesedi. Bul ishektiń qalypty jumysyn saqtaýǵa jáne ish qatýdyń aldyn alýǵa yqpal etýi múmkin.

Zertteýdiń negizgi avtory, Kopengagen ýniversitetiniń zertteýshisi Francheska Býchchidiń aitýynsha, kofe ishektiń fiziologiialyq qyzmetine áser etýi yqtimal. Alaida ash ishektegi qyshqyldyq deńgeiiniń tómendeýi adam densaýlyǵyna paidaly ma, álde keri áseri bar ma – ázirge belgisiz.

Zertteýshiler bul jumys kofeniń atalǵan ózgeristerge tikelei sebep bolatynyn dáleldemeitinin eskertedi. Óitkeni zertteý qatysýshylardyń burynnan qalyptasqan kofe ishý ádetterin salystyrý arqyly júrgizilgen.

Ǵalymdar kelesi kezeńde qatysýshylar tutynatyn kofe mólsherin arnaiy baqylap, onyń ishek jumysyna áserin tereńirek zertteýdi josparlap otyr.