Ánshi Maqpal Júnisova áleýmettik jelidegi paraqshasynda anasyn týǵan kúnimen quttyqtap, aq tilegin jetkizdi, dep habarlaidy ult.kz.
Óner iesiniń anasy 15 qarashada týǵan kúnin atap ótken. Ánshi anasynyń ortalaryna aman-esen júrgenine shúkirshilik etip, júz jasqa tolǵan toiyn kórýdi armandaitynyn jazdy.
“15 qarasha — bizdiń anamyzdyń týǵan kúni. Aramyzda bolǵanyńyzǵa Allaǵa myń shúkirler! Ǵasyr toiyńyzdy kórsek, arman joq. Alla qoldasyn, anashym!” — dep jazdy Maqpal Júnisova.
Aita keteiik, Maqpal Júnisova ádiletsizdikke ushyraǵanyn aitty.
Maqpal Júnisova kim?
Maqpal Muhamediiarqyzy Júnisova — qazaq estradasynyń kórnekti ánshisi, Qazaqstannyń halyq ártisi, Memlekettik syilyqtyń laýreaty. Ol 1964 jyly 11 qańtarda Qaraǵandy oblysynyń Terekti aýylynda dúniege kelgen. Ánge bala kezinen jaqyn bolyp, aýyl sahnasynda óner kórsetken. Mektepte oqyp júrgende dombyra men qobyzda oinaýdy úirengen.

Kásibi óner jolyn 1981 jyly respýblikalyq “Gúlder” án-bi ansamblinde bastaǵan. Osy ujymda toǵyz jylǵa jýyq án aityp, úlken sahnada shyńdalǵan. Qazaqstannyń túkpir-túkpirin aralap, shetelderge gastroldik saparmen shyqqan. Polsha, Germaniia, Vengriia, Qytai, Úndistan, Kanada jáne basqa da elderdiń kórermenderine qazaq ánin tanystyrǵan.
Ánshiniń repertýarynda halyq ánderimen qatar mahabbat, týǵan jer, ana men saǵynysh taqyrybyndaǵy shyǵarmalar bar. Onyń oryndaýyndaǵy “Aqqý sazy”, “Armandastar”, “Ǵashyq júrek”, “Erketaiym”, “Jan ana”, “Kózderińe ǵashyqpyn”, “Máńgilik saǵynysh” sekildi ánder kópshilikke tanys.

Maqpal Júnisovaǵa 1994 jyly “Qazaqstannyń halyq ártisi” ataǵy berildi. Al 1999 jyly Qazaqstannyń Memlekettik syilyǵynyń laýreaty atandy. Óner iesi birneshe býyn tyńdarmannyń súiikti ánshisine ainalǵan.