قازاقستاندىق بوكسشى جەنٸبەك ەلٸمحانۇلى ەكٸنشٸ ورتا سالماققا اۋىسۋ تۋرالى شەشٸمٸنە قاتىستى پٸكٸر بٸلدٸردٸ. سپورتشى بۇل سالماق دەرەجەسٸن ٶزٸنٸڭ تابيعي سالماعى دەپ سانايتىنىن ايتىپ, جانكٷيەرلەرٸنە رينگتە مٷلدە باسقا جەنٸبەكتٸ كٶرەتٸندەرٸن ۋەدە ەتتٸ, دەپ حابارلايدى ult.kz.
بوكسشى بۇل تۋرالى X ەلەۋمەتتٸك جەلٸسٸندەگٸ پاراقشاسىندا جازدى.
ەۋەسقوي بوكستا جەنٸبەك ەلٸمحانۇلى 75 كەلٸگە دەيٸنگٸ سالماقتا ٶنەر كٶرسەتكەن. الايدا كەسٸپقوي بوكسقا اۋىسقاننان كەيٸن 72,6 كەلٸگە دەيٸنگٸ ورتا سالماقتا جۇدىرىقتاسىپ, بٸرنەشە چەمپيوندىق بەلبەۋدٸ بٸرٸكتٸرگەن.
ەندٸ ول 76,2 كەلٸگە دەيٸنگٸ ەكٸنشٸ ورتا سالماققا اۋىسۋدى كٶزدەپ وتىر. سپورتشىنىڭ ايتۋىنشا, بۇل شەشٸم ٶزٸنٸڭ بۇرىنعى سالماعىنا قايتا ورالۋىمەن بايلانىستى.
«ەندٸ مەن تابيعي سالماعىما ورالامىن. 168 فۋنت سالماق دەرەجەسٸندە سٸزدەر مٷلدە باسقا جەنٸبەكتٸ كٶرەسٸزدەر!» – دەپ جازدى بوكسشى.
ايتا كەتەيٸك, جەنٸبەك ەلٸمحانۇلى ديسكۆاليفيكاتسييادان كەيٸن 2027 جىلعى 23 قاڭتاردا رينگكە ورالادى دەپ جوسپارلانعان. ول ەكٸنشٸ ورتا سالماقتاعى WBO تۇجىرىمى بويىنشا بوس تۇرعان ەلەم چەمپيونى اتاعى ٷشٸن داتالىق ياكوب بانكپەن جۇدىرىقتاسادى.
بوكسشى سوڭعى جەكپە-جەگٸن 2025 جىلدىڭ كٶكتەمٸندە استانادا كونگولىق انۋەل نگاميسسەنگەگە قارسى ٶتكٸزٸپ, قارسىلاسىن نوكاۋتپەن جەڭگەن. ال 2025 جىلعى جەلتوقساندا ونىڭ دوپينگ سىناماسىنان مەلدونيي انىقتالىپ, جوسپارلانعان تاريحي جەكپە-جەگٸ ٶتپەي قالعان.