Ázilkesh Tursynbek Qabatov ekinshi ret otbasyn qurǵanyna bailanysty aitylǵan syn-pikirlerdi sahnadaǵy áziline arqaý etti, dep habarlaidy ult.kz.
Óner iesi qaita turmysqa shyqqan áielder men ekinshi ret úilengen erlerge jurttyń kózqarasy ártúrli ekenin qaljyńmen jetkizdi. Sóz arasynda Baiandy mysalǵa alyp, ózi de jaryn toi kóilegimen sahnaǵa shyǵarsa, kórermenniń qalai qabyldaitynyn aitty.
“Baiandy qalai qoldadyńyzdar! Mysaly, men qazir áielimdi sahnaǵa shyǵaryp, toi kóilegin kigizeiinshi. Eldiń bári meni Qazaqstannan qýyp jiberýdi usynady”, – dedi Qabatov.
Osylaisha ázilkesh jeke ómirine qatysty synǵa ázilmen jaýap berip, qaita shańyraq kótergen adamdarǵa qoǵamnyń árqily qaraitynyn sóz etti.
Tursynbek Qabatov kim?
Tursynbek Amanǵaliuly Qabatov — tanymal ázilkesh, satira akteri, telejúrgizýshi, Qazaqstannyń eńbek sińirgen qairatkeri. Ol 1979 jyly 10 qazanda Batys Qazaqstan oblysy Qaztalov aýdanynyń Aqpáter aýylynda dúniege kelgen. Kópshilikke kúndelikti turmys pen otbasylyq qarym-qatynasty arqaý etken monologteri arqyly tanylǵan.

Óner jolynda KVN oiyndaryna qatysyp, keiin jeke ázil keshterin ótkize bastaǵan. 2009 jyly Astanadaǵy Beibitshilik jáne kelisim saraiynda, Almatydaǵy Respýblika saraiynda jeke kontsertterin bergen. 2010 jyly ánshi Farida Niiazovamen birge “Eki juldyz” televiziialyq baiqaýyna qatysqan.

2011 jyldan bastap elordadaǵy “Ázil álemi” ázil-syqaq teatryna jetekshilik etken. Onyń shyǵarmashylyq joly “Kóńildi tapqyrlar alańy”, “Nazar aýdar” sekildi jobalarmen de bailanysty. 2015 jyly “Qazaqstannyń eńbek sińirgen qairatkeri” ataǵyn alǵan. (qazradio.fm, malim.kz)