تۋريزم جەنە سپورت مينيسترٸ ەربول مىرزابوسىنوۆ ەلوردادا Nordic Condor Korea كومپانيياسىنىڭ باس ديرەكتورى سۋ سان پيلمەن كەزدەستٸ. تاراپتار قازاقستاننىڭ تۋريستٸك ەلەۋەتٸن وڭتٷستٸك كورەيادا كەڭٸنەن تانىتۋ, ەلٸمٸزگە كەلەتٸن تۋريستەر سانىن ارتتىرۋ جەنە سەۋلدە Kazakh Tourism ٶكٸلدٸگٸن اشۋ مٷمكٸندٸگٸن تالقىلادى. بۇل تۋرالى تۋريزم جەنە سپورت مينيسترلٸگٸ حابارلادى, دەپ جازادى ult.kz.
كەزدەسۋ بارىسىندا Nordic Condor Korea كومپانيياسىنىڭ باسشىسى قازاقستانمەن تۋريستٸك ىنتىماقتاستىقتى دامىتۋعا قىزىعۋشىلىق بٸلدٸردٸ. بۇعان دەيٸن نەگٸزٸنەن ەۋروپا ەلدەرٸنە تۋريستٸك ساپارلار ۇيىمداستىرعان كومپانييا نارىقتى زەرتتەپ, قازاقستاندى كورەيالىق ساياحاتشىلار ٷشٸن جاڭا تۋريستٸك باعىت رەتٸندە تانىتۋدى كٶزدەپ وتىر. وسى ماقساتتا كومپانييا باسشىسى سەۋلدە Kazakh Tourism ٶكٸلدٸگٸن اشۋدى ۇسىندى.
ەربول مىرزابوسىنوۆ كورەيا رەسپۋبليكاسىنىڭ قازاقستان ٷشٸن ماڭىزدى تۋريستٸك نارىقتاردىڭ بٸرٸ ەكەنٸن اتاپ ٶتتٸ. سونداي-اق ەلٸمٸز كورەيالىق ساياحاتشىلارعا كٶركەم تابيعاتىن, تاريحي-مەدەني مۇرالارىن, الماتى مەن استانانىڭ كٶرٸكتٸ جەرلەرٸن, سونداي-اق تاۋ تۋريزمٸنٸڭ مٷمكٸندٸكتەرٸن ۇسىنا الاتىنىن جەتكٸزدٸ.
«بٸزدٸڭ ماقساتىمىز – قازاقستاننىڭ تۋريستٸك ەلەۋەتٸن كەڭٸنەن تانىتۋ, كورەيالىق تۋروپەراتورلارمەن بايلانىستى نىعايتۋ جەنە ەلٸمٸزگە كەلەتٸن تۋريستەر سانىن ارتتىرۋ. سوندىقتان Nordic Condor Korea كومپانيياسىمەن ىنتىماقتاستىق ورناتۋعا دايىنبىز», – دەدٸ مينيستر.
قر ۇقك شەكارا قىزمەتٸنٸڭ مەلٸمەتٸنشە, 2025 جىلى قازاقستانعا كورەيا رەسپۋبليكاسىنىڭ 50,9 مىڭ ازاماتى كەلگەن. ال 2026 جىلدىڭ العاشقى توعىز ايىندا بۇل كٶرسەتكٸش 50 292 ادامعا جەتكەن.
كەزدەسۋ قورىتىندىسىندا تاراپتار ىنتىماقتاستىقتىڭ ناقتى باعىتتارىن, ٶكٸلدٸكتٸڭ جۇمىس تەرتٸبٸ مەن قارجىلاندىرۋ شارتتارىن بٸرلەسٸپ پىسىقتاۋعا ۋاعدالاستى. جوبا جٷزەگە اسقان جاعدايدا ٶكٸلدٸكتٸ اشۋعا جەنە ونىڭ كٷندەلٸكتٸ قىزمەتٸنە بيۋدجەتتەن قوسىمشا قاراجات بٶلۋ قاجەت بولمايدى.
انىقتاما: Nordic Condor Korea – حالىقارالىق تۋريزم نارىعىندا كٶپجىلدىق تەجٸريبەسٸ بار كورەيالىق كومپانييا. بۇعان دەيٸن نەگٸزٸنەن ەۋروپا ەلدەرٸنە تۋريستٸك ساپارلار ۇيىمداستىرعان كومپانييا ەندٸ قازاقستاندى كورەيالىق ساياحاتشىلار ٷشٸن جاڭا تۋريستٸك باعىت رەتٸندە دامىتۋعا نيەتتٸ.