Қазақстан Тәуелсіздігіне 25 жыл

10 aida 2 myńnan astam jol apaty: Astanada jol-kólik apattarynyń joǵary deńgeii anyqtaldy

10 aida 2 myńnan astam jol apaty: Astanada jol-kólik apattarynyń joǵary deńgeii anyqtaldy
astanatv.kz

Zańdylyqtyń jai-kúiin taldaý barysynda jol-kólik apattarynyń joǵary deńgeii anyqtaldy dep habarlaidy Astana qalasynyń prokýratýrasy, dep jazady ult.kz.

2026 jyldyń 10 aiynda elordada 2 021 jol-kólik oqiǵasy tirkeldi.

Jol-kólik oqiǵalary saldarynan 2 343 adam jaraqat aldy, 23 adam qaza tapty.

Jol júrisin uiymdastyrýdaǵy kemshilikter, onyń ishinde 80 jaiaý júrginshi ótkeliniń tiisti kóriný jaǵdaiy qamtamasyz etilmei ornalasýy anyqtaldy.

Mundai ótkelderde «kóriný úshburyshy» saqtalmaǵan.

Bul – júrgizýshi jaiaý júrginshini, al jaiaý júrginshi kólikti aldyn ala kóre alatyn bos aimaq. Kórinýdi jasyl ekpeler, qorshaýlar, turaqqa qoiylǵan kólikter jabady. Bul ásirese boiy kishkentai bolǵandyqtan kez kelgen kederginiń tasasynda qalyp qoiatyn balalar úshin qaýipti.

Taldaý nátijeleri boiynsha prokýratýra zańdylyqty buzýshylyqtardy joiý týraly usyný engizdi.

Jol júrisi qaýipsizdigi máseleleri jónindegi jumys tobynyń jumys jospary ázirlenip, árbir tarmaq boiynsha naqty merzimder, jaýapty organdar jáne kútiletin nátije aiqyndaldy.

Josparda asa apatqa qaýipti ýchaskelerdi anyqtaý jáne tekserý, árbir jol-kólik oqiǵasyn oqiǵa ornyna shyǵa otyryp mindetti túrde taldaý, mektepter men balabaqshalar mańynda qaýipsiz aimaqtar qurý, sondai-aq qysqy kezeńdegi sharalar kózdelgen.

Qabyldanǵan sharalar nátijesinde 14 ýchaskede kemshilikter joiylyp, júrgizýshiler úshin jaiaý júrginshilerdiń kórinýi qamtamasyz etildi.

9 mekteptiń mańynda jyldamdyq shegi saǵatyna 20 shaqyrymǵa deiin tómendetildi.

Mundai jyldamdyqta bala jolǵa kenetten shyǵyp ketse, júrgizýshi ýaqytynda toqtaýǵa úlgeredi.

Basqa bilim berý uiymdarynyń mańynda da jyldamdyqty tómendetý jumysy jalǵasýda.

Elorda prokýratýrasy júrgizýshilerdi jyldamdyq rejimin, ásirese mektepter mańynda, qatań saqtaýǵa jáne jaiaý júrginshilerge jol berýge shaqyrady.
 

"Jaiaý júrginshiler qyraǵy bolýy, joldy tek jaiaý júrginshi ótkeli arqyly kesip ótýi jáne júrgizýshiniń olardy kórip, toqtaǵanyna kóz jetkizýi qajet", - delingen habarlamada.