Қазақстан Тәуелсіздігіне 25 жыл

Qazaqstanda zań jobasy alǵash ret jasandy intellekt kómegimen ázirlendi

Qazaqstanda zań jobasy alǵash ret jasandy intellekt kómegimen ázirlendi
JI

Qazaqstanda «AI-Quryltai» jasandy intellekt platformasynyń kómegimen jańa zań jobasy ázirlendi. Bul týraly aqparatty Quryltai baspasóz qyzmeti taratty, dep habarlaidy ult.kz.

«Balalardyń tsifrlyq jáne aqparattyq qaýipsizdigi týraly» zań jobasy atalǵan intellektýaldy júiede daiyndalǵan alǵashqy qujat boldy. Bul týraly Quryltai tóraǵasynyń orynbasary Dinara Zakieva men Tsifrlandyrý, innovatsiialar jáne ǵylym komiteti tóraǵasynyń orynbasary Ekaterina Smyshliaeva málimdedi.

AI-Quryltai – quqyqtyq paiymdaý múmkindigi bar jasandy intellekt modeli engizilgen platforma. Ol zań jobasyn ázirleý barysynda máseleni jan-jaqty taldaýǵa, úlken kólemdegi derekterdi óńdeýge, azamattardyń ótinishteri men ata-analardyń, sarapshylardyń jáne qoǵam ókilderiniń usynystaryn zerdeleýge múmkindik bergen.

Sonymen qatar platforma halyqaralyq tájiribeni zerttep, balalardyń tsifrlyq jáne aqparattyq ortada tap bolýy múmkin qaýip-qaterlerdi anyqtaýǵa kómektesken.

Zań jobasyn ázirleý kezinde alǵash ret 800 myńnan astam normativtik-quqyqtyq aktini qamtityn derekter bazasymen jumys isteitin arnaiy quqyqtyq model qoldanylǵan. Onyń kómegimen tsifrlyq tehnologiialardyń damýy men jańa qaýipterdi eskere otyryp, balalardy aqparattyq jáne tsifrlyq keńistikte qorǵaýǵa baǵyttalǵan sharalar kesheni pysyqtalǵan.

Sonymen birge jasandy intellekt depýtattar men sarapshylardyń ornyn almastyrmaidy. Platforma usynǵan barlyq bastama zań jobasyn ázirleýshi depýtattardyń qosymsha tekserýinen jáne pysyqtaýynan ótken. Bul jumysqa shaqyrylǵan zańgerler men tsifrlyq jáne aqparattyq qaýipsizdik salasynyń mamandary da qatysqan.