Belgili ánshi Tolqyn Zabirova otbasyndaǵy qýanyshty jańalyǵyn bólisti. Óner iesiniń uly shańyraq kóterip, ánshi jańa túsken kelini men quda-qudaǵiyn kópshilikke tanystyrdy, dep habarlaidy ult.kz.
Tolqyn Zabirova áleýmettik jelidegi paraqshasynda ulynyń úilený toiyna qatysty beinejazba jariialady. Ánshi otbasyndaǵy mańyzdy sátterdi oqyrmandarymen bólisip, uly men kelininiń jańa ómirge qadam basqanyn kórsetti.
Jariialanǵan videoda jas jubailardyń neke qiiý rásiminen úzindiler berilgen. Erli-zaiyptylardyń ómirindegi erekshe kúnniń áserli sátteri beinejazbaǵa túsirilgen.
Óner iesi bul qýanyshyn jaqyndarymen ǵana shektemei, áleýmettik jelidegi oqyrmandaryna da jetkizgen. Ásirese, ánshiniń jańa túsken kelinin jáne quda-qudaǵiyn tanystyrýy nazar aýdardy.
Aita keteiik, Tanymal aktrisa 88 jasynda kóz jumdy.
Tolqyn Zabirova kim?
Tolqyn Zabirova – qazaqstandyq tanymal ánshi, opera jáne estrada oryndaýshysy, Qazaqstannyń eńbek sińirgen qairatkeri. Ol klassikalyq vokal men estradalyq ánderdi qatar oryndap, qazaq mýzyka óneriniń damýyna úles qosqan óner ieleriniń biri.

Ánshi óziniń keń daýys diapazonymen, oryndaýshylyq sheberligimen jáne sahna mádenietimen tanylǵan. Onyń repertýarynda qazaq kompozitorlarynyń shyǵarmalary, halyq ánderi men klassikalyq týyndylar bar.

Tolqyn Zabirova 1970 jyly 17 qazanda Aiagóz qalasynda dúniege kelgen. Ol Qurmanǵazy atyndaǵy konservatoriiada áigili ánshi Bibigúl Tólegenovadan dáris alyp, oqý ornyn 1993 jyly úzdik támamdaǵan. Keiin Jambyl atyndaǵy Qazaq memlekettik filarmoniiasynda eńbek etip, halyqaralyq án baiqaýlarynda júldeli oryndarǵa ie boldy. 2008 jyly Qazaqstannyń eńbek sińirgen qairatkeri ataǵyn alǵan. Ónertaný ǵylymdarynyń kandidaty, professor retinde jas ánshilerdi tárbieleýge de úles qosqan. 2024 jyly “Parasat” ordenimen marapattaldy.
Ánshi úsh ul tárbielep ósirgen. Olardyń esimderi – Shahriiar, Diar jáne Sanjar.