Қазақстан Тәуелсіздігіне 25 жыл

Tanymal aktrisa 88 jasynda kóz jumdy

Tanymal aktrisa 88 jasynda kóz jumdy
Foto: Neirojeli arqyly jasaldy

Keńes jáne Resei kinosynyń tanymal aktrisasy Lidiia Fedoseeva-Shýkshina 88 jasynda qaitys boldy. Qaraly habardy onyń qyzy Mariia Shýkshina jetkizdi, dep habarlaidy ult.kz.

Buǵan deiin reseilik buqaralyq aqparat quraldary aktrisanyń júregindegi kináratqa bailanysty jansaqtaý bólimine túskenin jazǵan. Dárigerler onyń jaǵdaiyn aýyr dep baǵalap, jasandy tynys alý apparatyna qosqan.

Lidiia Fedoseeva-Shýkshina 1938 jyly Leningrad qalasynda dúniege kelgen. Ol Búkilodaqtyq memlekettik kinematografiia institýtyn támamdap, ómirin kino ónerine arnady. Uzaq jyldyq shyǵarmashylyq eńbegi úshin RKFSR halyq ártisi ataǵyna ie boldy.

Aktrisa kórermenge “Kalina krasnaia”, “Oni srajalis za Rodiný”, “12 stýlev”, “Vam i ne snilos…” filmderi arqyly keńinen tanyldy. Ol ár jyldary kóptegen kinotýyndyǵa túsip, keńes kinosynyń belgili tulǵalarynyń birine ainaldy.

Lidiia Fedoseeva-Shýkshina belgili akter, jazýshy ári rejisser Vasilii Shýkshinniń jary bolǵan. Ekeýi óner áleminde ózindik iz qaldyrdy. Vasilii Shýkshin 1974 jyly ómirden ótken.