Petropavlda otbasy beinelengen erekshe banner áleýmettik jelide qyzý talqylanyp jatyr. Jeli qoldanýshylary sýrettegi áke men ananyń qolyn sanai almai álek boldy. Al qala ákimdigi muny dizainerdiń kórkemdik ideiasy dep túsindirgenimen, bannerdi aýystyrý týraly sheshim qabyldaǵan, dep habarlaidy ult.kz.
Bannerdiń sýretin Telegram jelisindegi Kozachkov offside arnasy jariialady. Petropavl turǵyny jazylýshylarǵa sýrettegi áke men ananyń qolyn sanap kórýdi usynǵan.
Osydan keiin jeli qoldanýshylary dizainerdiń jumysyn qyzý talqylai bastaǵan. Biri muny sýretshiniń qateligi dep boljasa, endi biri erekshe beineniń mánin túsindirýge tyrysqan.
Petropavl ákimdiginiń málimetinshe, banner biyl qyrkúiekte ashylǵan turmystyq zorlyq-zombylyq qurbandaryna qoldaý kórsetý ortalyǵynyń janyna ornatylǵan. Ortalyq qiyn jaǵdaiǵa tap bolǵan áielderge psihologiialyq kómek kórsetedi.
Ákimdik ókilderi sýrettegi qoldardyń kóp bolýy dizainerdiń qateligi emes ekenin aitqan.
«Dizainer osylaisha otbasynyń qorǵanyshy men kóp mindetti qatar atqara alatynyn kórsetkisi kelgen», – dep túsindirdi ákimdiktiń baspasóz qyzmeti.
Degenmen qoǵamdaǵy ekiushty pikirlerden keiin bilik bannerdi alyp tastap, ornyna jańasyn ornatýǵa sheshim qabyldaǵan.