Қазақстан Тәуелсіздігіне 25 жыл

Almatyda Temirbek Qojakeevtiń 100 jyldyǵyna arnalǵan eske alý keshi ótti

Almatyda Temirbek Qojakeevtiń 100 jyldyǵyna arnalǵan eske alý keshi ótti
Mádeniet jáne aqparat ministrligi

Qazaqstan Respýblikasynyń Ulttyq kitaphanasynda belgili jýrnalist, ǵalym, filologiia ǵylymdarynyń doktory, professor Temirbek Qojakeevtiń týǵanyna 100 jyl tolýyna arnalǵan eske alý keshi ótti, dep habarlaidy ult.kz QR Mádeniet jáne aqparat ministrliginiń baspasóz qyzmetine silteme jasap.

Is-sharaǵa shyǵarmashylyq ziialy qaýym ókilderi, jýrnalister, ǵalymnyń áriptesteri, shákirtteri men týǵan-týystary qatysty.
Kesh aiasynda Temirbek Qojakeevtiń qaita basylyp shyqqan «Kók seńgirler» jáne «Úrkinshilik» kitaptary tanystyryldy.

Foto: Mádeniet jáne aqparat ministrligi
Qatysýshylar ǵalymnyń ómiri men shyǵarmashylyq joly, qazaq jýrnalistikasynyń damýyna qosqan úlesi, sondai-aq ǵylymi-pedagogikalyq qyzmeti týraly oi bólisti.

Temirbek Qojakeuly Qojakeev qazaq satirasynyń tarihy men janrlyq erekshelikterin zerttep, satirataný ǵylymynyń damýyna eleýli úles qosty. Ol – «Qazaq satirasy», «Abai – satirik», «Satira jáne dáýir», «Satira negizderi» syndy birqatar irgeli ǵylymi eńbektiń avtory.

Eske alý keshi Temirbek Qojakeevtiń ǵylymi jáne shyǵarmashylyq murasyn saqtaý men nasihattaýǵa, jas urpaqty ǵalymnyń eńbekterimen tanystyrýǵa arnaldy.